amalinks wokungena

Breaking News

Inkantolo Ithi Amapholisa Kumele Ahlawule Umtshayeli Wetekisi iUS$7,000


Yellow taxi cabs in Asmara, Eritrea - urban transportation - transport
Yellow taxi cabs in Asmara, Eritrea - urban transportation - transport

Umthethwandaba weHigh Court usulaye amapholisa ukuthi ahlawule umtshayeli wetekisi imali engangeUS$7,000 ngemva kokudutshulwa kwakhe ngelinye ipholisa ngomnyaka ka2018.

Inhlanganiso yeZimbabwe Lawyers for Human Rights ithi umahluli walinkundla uJustice Webster Chinamora uvumelane lesicelo sikasomatekisi lo, uMnu Mathew Mundwa esokuthi ahlawulwe limali lugatsha lwamapholisa lonke nje kanye lompholisa owamdubulayo uConstable Kelvin Madzima.

Ezivikela enkantolo, uMadzima uthe wadubula uMundwa ngoba wala ukuma ku-roadblock ebusuku, okuyinto elandulwe ngumamangala.

Umahluli uthe uMundwa kumele ahlawulwe limali phezu kokulinyazwa kwakhe lokuhlukumezeka ahlangana lakho.

Asemanengi amacala okuhlukuluzwa kwabantu ngamapholisa acina ngokuhlawuliswa kwamaphosali lohulumende yinkantolo yimithethwandaba.

Olwela amalungelo oluntu uMnu Mthulisi Hanana utshele iStudio 7 ukuthi linyathelo elihle kakhulu elithethwe ngumthethwandaba.

please wait

No media source currently available

0:00 0:03:39 0:00

Sehlulekile ukukhuluma lesikhulumeli samapholisa uMnu Paul Nyathi ngaloludaba.

Kodwa amapholisa aseke atshela lumsakazo phambilini akuthi kakhulumi ngendaba ezinje eziyabe zivela enkantolo.

Kolunye udaba olwehlukileyo, amapholisa abophe isiphathamandla senhlanganiso yeChitungwiza Residents Association uDiana Kuvheya ngemva kokuzinikela eSt Mary’s Police Station ehamba lamagqwetha akhe agoqela uMnu Job Sikhala.

USikhala utshele iStudio 7 ukuthi bebengakabikwazi ukuthi umsolwa wetheswa cala bani.

XS
SM
MD
LG