amalinks wokungena

Breaking News

Inkantolo Ithi Kumele Kucutshungulwe Amapholisa Atshaye Abasekeli beMDC Abalaliswe Esibhedlela


Supporters of MDC Leader Nelson Chamisa Zimbabwe Opposition Leader @ 19th anniversary

Umthethwandaba kamantshi ngoMgqibelo ulaye ukuthi amapholisa etheswa icala lokutshaya abasekeli beMDC Alliance abathi uMnu Lengwani Mavhunga loMnu Munyaradzi Mafararikwa kumele acutshungulwe.

Ababili laba babotshwe ngoLwesine ngesikhathi belande ukuyakuzwa ukuthethwa kwecala lesiphathamandla salelibandla uMnu Job Sikhala batshaywa kakubi njalo uMavhunga uthe ufafazwe ngomuthi engaziwayo, okwenze wahluzuka ebusweni waba manxebanxeba.

Ukumiswa kukaMavhunga loMufararikwa phambi kukamantshi lokhu kwenzelwe esibhedlela seParirenyatwa lapho ababaliswe khona ukuze belatshwe.

Umantshi uzakwethula isinqumo sakhe phezu kwesicelo sabo sokuthi bakhululwe ngebail ngoLwesibili, kutsho amagqwetha abo enhlanganiso yeZimbabwe Lawyers for Human Rights (ZLHR).

Facebook Forum

XS
SM
MD
LG