amalinks wokungena

Breaking News

Inkokheli Kumele Iveze Emphakathini Inotho Yayo Ukwenzela Ukwenqabela Ubusela


Inhlanganiso ye African Parliamentarians Network Against Corruption ithi kumele kubelomthetho ozenza ukuthi abantu abangena ezikhundleni zikahulumende eziphezulu baveze inotho yabo emphakathini ukwenzela ukuthi bangebi imali kazulu.

Umnu. Willas Madzimure umgcinisihlalo wengxenye yenhlanganiso le eZimbabwe uthi banengi abantu abangena kuhulumende bengomswelaboya kodwa babe lenotho eyesabekayo bengahlala esikhundleni okwesikhatshana.

U Madzimure uthi kumele kubunjwe umthetho eZimbabwe ozabamba ngamandla amalunga edale lephalamende, kanye labemithathehwandaba ukuthi baveze okumgceke inotho yabo emphakathini.

Umnu. Nhlanhla Dube umsekeli wesikhulumeli sezokukhitshwa kwembiko ku Movement for Democratic Change ekhokhelwa nguMnu. Arthur Mutambara utshele uGibbs Dube we Studio 7 ukuthi kumele isisekelo sombuso welizwe esitsha sibe lomthetho ozakwenza ukuthi inkhokheli ziveze inotho yazo kuzulu ukwenzela ukwenqabela ubusela kuhulumende.

XS
SM
MD
LG