amalinks wokungena

Breaking News

Inkokheli Yelizwe Isungula Okusemthethweni Ukuqalisa kweZiscoSteel Umsebenzi


Uhulumende usesungule okusemthethweni ukuthi inkampani ye Zimbabwe Iron and Steel Company lamanye edlelana lawo asanda kuthengwa yi Essar Africa Holdings yakwele India aqalise umsebenzi wokwemba insimbi eRedcliff le Mberengwa.

Abantu abedlula inkulungwane ezine abagoqela uMmongameli Robert Mugabe, inhloko kahulumende uMnu. Morgan Tsvangirai, umphathintambo wezamafekithali uMnu. Welshman Ncube labanye bakhe babikwa bebethe gwaqa eRedcliff ngolweSithathu, bezojabulela ukuvulwa kwe ZiscoSteel eyevalwa ngomnyaka ka 2008.

Abaqondisi benkampani ye Essar Holdinds esithenge amashares eZisco Steel amanengi ibikele uzulu ukuthi isinike inkampani le ibizo elithi Zimbabwe Steel Private Limited yaguqula njalo ele Buchwa Mine esizakwaziwa ngokuthi yi Zimbabwe Minerals Private Limited.

Baphinde njalo bathi sebeqalisile ukudinga izisebenzi emazweni atshiyeneyo lezatshiya inkampani le isivalwa.

Umgcinisihlalo we ZimSteel Workers Council uMnu. Patson Mubaiwa uthi wonke umuntu okade ese Redcliff lamuhla lalabo abangenelisanga ukuya khona bathabe okwamagama ngokuvulwa kwe ZimSteel.

XS
SM
MD
LG