Amabizo enkokheli yamazwe womhlaba, abezombusazwe kanyelabezemidlalo abadumileyo ama Pop Stars bakhona kuluhlu lwenkulungwane lenkulungwane zamagama abantu abanothileyo abafihla inotho yabo ngendlela ezehlukeneyo zenkohlakalo ukuze bengabhadali imithelo besebenzisa amankampani awebizo kuphela angela msebenzi okhanyayo awenzayo.
Lokhu kuphume kudaba oluveze imfihlo yezigidi lezigidi zezehlakalo lezi olwe Pandora Papers.
Inkokheli yeZimbabwe layo ikhona kulolu luhlu lwePandora Papers okwenza leli lizwe lilahlekelwe yimali enengi yakwamanye amazwe engabi itholakala kumithelo kuzehlakalo zenkohlakalo lokuphunyiswa kwemali okungekho emthethweni.
Kungwalo ezePandora Papers kulosomabhizimusi owaziwayo uBilly Rautenbach, uMartin Rushwaya lamankampani abakubutho ababikwa bephumisa imali ngundlu ngendlela eziphambana lomthetho njalo okwenkohlakalo isiwa kwamanye amazwe.
U-Rushwaya ubikwa wabumba inkampani eyeGreatgem Corp, wayibhalisa kweleSeychelles ngomnyaka ka 2010 encediswa yinkampani yamagqwetha yakweleRussia. Omunye njalo owe Zimbabwe ovezwe kulezingwalo ngumnumazana Grey Mashava, obikwa kunguye umqondisi wale inkampani owaphiwa isikhundla saphezulu kubutho sokuba nguMajor General, nguMongameli Emmerson Mnangagwa ngomnyaka ka2018.
U Rushwaya ubikwa wabumba linkampani ngesikhathi ele Zimbabwe ilobelana isivumelwano lenkampani yakweleChina, eye Anjin, eyaphiwa imvumo yokwemba amatshe aligugu aamadayimana koMarange.
Ingwalo lezi eze Pandora Papers zalotshwa zintathelizindaba ezingamakhulu ayisithupha ezivela emazweni womhlaba beloba ngenkohlakalo enzakala emsebenzini wezemali egoqela inkokheli yamazwe womhlaba, abakwezombusazwe, ohulumende, abadume kwezemidlalo yokulungisa, abanothileyo abayabe befuna ukuchatshisa inotho yabo ukuze bengahlawuli imithelo emazweni abakiwo labanye.