NgoLwesibili uMnu. Stanley Raphael Khumalo uzagcotshwa ukuba yinkosi yaMaNdebele lanxa umdeni wakoKhumalo usithi kayisuye okumele athathe ubukhosi lobu.
UKhumalo uzagcotshwa eZimbabwe International Trade Fair emkhosini abawuqoqayo abathi kuzakuba labahlonitshwayo abako Khumalo abavela kwele South Africa.
Kodwa abanye abako Khumalo bathi umkhosi lo yikuchitha nje isikhathi. Sixoxe loMnu. Peter Zwide Khumalo saqala ngokumbuza ukuthi umgubho wenkosi owenzwe ngoMgqibelo eMhlahlandlela uhambe njani?
“Umgubho uhambe kahle, abantu bebekhanya bethabile,” kutsho uKhumalo. “Kodwa okukhulunywe nguNyathi, imbali yakhe, ibingaqondanga njalo ubekhuluma okwako Khumalo yena engayisuye owako Khumalo.”
Siphinde saxoxa loMnu. Mbizo Khumalo, omunye wabaqoqa umkhosi wokugcoba inkosi ngoMgqibelo, othi amalungiselelo omkhosi lo asekusibanga eziphezulu.
“Thina ke singena emzileni ukuthi kanti vele yonale into kuhambe njani kusukela nge18th century,” kutsho uKhumalo.