Inkulumo zokulungisisa okwasala kulenga kuhulumende womanyano ziqhubekele phambili ngolweSihlanu edolobheni le Nyanga. Lezinkulumo zikhangelelwe ukuqhubekela phambili ngoMvulo lapho okuzakwethulwa okuyabe kuvunyelwene kuqula likamongameli Jacob Zuma wele South Africa, elikhangelelwe ukuya elizweni ngeviki ezayo.
Amaqula amabandla akunkulumo lezi abikwa evumelene ukuthi engethuli osekukhulunyiwe enkulumeni lezi. Kodwa abazi ngokwenzakalayo batshele iStudio 7 ukuthi kukhanya ukungavumelani lokhu kuqhubekela phambili. UChris Gande oweStudio 7 uxoxe lengcwethi ecubungula ezombusazwe, uMnu. Effie Dlela Ncube othi kuyathembisa ukuthi kuzaba lokuvumelana kokunye kodwa inkulumo zizaqhubekela phambili.
