Owake waba yinhloko kahulumende, uMnu. Morgan Tsvangirai, obengumkhokheli webandla le MDC-T ubekiwe ngoLwesibili emuzini wakhe eBuhera.
Bekubomvu gebhu ngokugcwala kwabasekeli be bandla leli kade begqoke impahla ezilombala obomvu.
UTsvangirai ubhubhe ngoLwesithathu lweviki edluleyo ngemva kokuhlaselwa ngumkhuhlane wemvukuzane. Uhulumende ubemelwe nguNkosikazi Oppah Muchinguri umphathintambo wezemvelo njalo bekelezinye iziphathandla zikahulumende.
Bekulabanye abavela kwamanye amazwe ababalisa umkhekheli webandla eliphikisayo kwele Kenya, uMnu. Raila Odinga. Sixoxe lentathelizindaba yeStudio Seven, uMavis Gama obesemncwabeni lo.
Lokhu sikudaba lunye siphinde saxoxa lonobhala oqoqa inhlelo zebandla leMDC-T, uMnu. Abednico Bhebhe osinde ekutshayweni ngabasakhulayo bebandla leMDC-T.