amalinks wokungena

Breaking News

Iqembu leHighlanders Linqoba ele How Mine kuQuarter Final yeChibuku Super Cup


Jumbo Youth Games

Iqembu le Highlanders liphe abalandeli balo ithemba lokuba lingaphutsha imidlalo yalonyaka lithole inkezo ngemva kokunqoba elikwenze ele How Mine kusigaba se quarter – Final kumncintiswano wenkezo ye Chibuku Super Cup.

Iqembu leli lithobe inhliziyo zabalandeli balo ngokunqoba elikwenze ele How Mine ngeNsonto okuyimpumela etshiye lomqeqetshi walo uKelvin Kaindu ebethwa ngumoya omnandi ngemva kokuba ebesolwa kabuhlungu ensukwini ezedluleyo.

Ekhuluma ngemva kwalumdlalo obusenkundleni ye Hartsfield ko Bulawayo uKaindu uthe limpumela yangeNsonto ikhomba ukuba ikusasa yeqembu inhle.

Amanye amaqembu aphumelele ukuyadlala kusigaba se semi – final ngemva kwemidlalo yesigaba se quarter – final ngagoqela iqembu le FC Platinum kanye leqembu le Harare City ndawonye lele …….

**************************

Sikhangele umdlalo we tennis

Iqembu elimela ilizwe leZimbabwe liphumelele ukuyadlala kusigaba se Euro/Africa Zone Group 11 ngemva kokunqoba elikwenze emidlalweni eqhutshelwe elizweni laseGipite ensukwini ezisanda kwedlula.

Iqembu le Zimbabwe beselileminyaka efika phose elitshumi lagunyulwa kusigaba se Euro/Africa Zone ngemva kokuthatha umhlalaphansi kwabadlali abagoqela uByron lo Wayne Black kanye lo Kevin Ullyett kodwa amajaha asakhulayo agoqela uBenjamin Lock, UMark Fyn, uTinotenda Chanakira kanye lo Takura Garanganga sebenelise ukulibuyisela lapho.

*********************

Uphawu lwemidlalo yabasakhulayo eye African Union Sports Council Region 5 ezaqhutshelwa edolobheni lako Bulawayo ngenyanga ka Mpalakazi - imascot ngesilungu - luphawulwe okusemthethweni kuzulu ngoMgqibelo.

Igama le mascot le kuthiwa nguJumbo lokhu ngoba kukhethwe indlovu ukuba yilo uphawu lwemidlalo le ezaqala mhla zine kunyanga kaMpandula isiyaphela mhla zingamatshumi amahlanu.

Umphathintambo wezemidlalo lamasiko uAndrew Langa nguye owethule uJumbo kuzulu njalo ukhokhele umkhosi wokukhuthaza izakhamizi zako Bulawayo ukuba zisekele limidlalo ebhoda enzikini yedolobho kanye lasemalokitshini.

XS
SM
MD
LG