amalinks wokungena

Breaking News

UFaith Sabata weZEC Uthi Intathelizindaba Kumele Zibhale Iqiniso


Annastacia Ndlovu

Intathelizindaba zakwele Zimbabwe sezifundiswe ukuba ziziphathe njani ngesikhathi sokhetho oluzakwenziwa lonyaka.

Imfundiso le yenziwe yikhomishini ebona ngezokhetho eyeZimbabwe Electoral Commission (ZEC), iZimbabwe Electoral Support Network imanyane lelwela amalungelo entathelizindaba emsebenzini iZimbabwe Union of Journalists.

UKhomishina weZEC, uNkosikazi Faith Sabata, ucele intathelizindaba ukuba zilobe iqiniso ngenhlelo lamalungiselelo okhetho.

USebata ukhuthaze intathelizindaba ukuba zihlale zithiye indlebe ngenguquko ekhangelele ukubakhona ngezokhethe yona esiphumelele edale lephalamende isilinde isidindo sikamongameli.

Uthe inhlawulo yabazakuma kukhetho ilakho ukukhuphuka kanye lelungelo lalabo abazabhalisela ukuvota ngemva kokuba idale lezokhetho selihleli.

Intathelizindaba esebenza eKhuluma FM, uNkosikazi Nokuthula Ndlovu, ongene izifundo zokuloba ngezokhetho, ungcome imfundiso abayiphiwe nguMnu. Vincent Kahiya leZEC ngezokhetho esithi kubavule amehlo.

Ukhetho lwalonyaka luzaqhutshwa ngendlela eyehlukene leminyaka edluleyo kodwa akulamitshina yokuvota ezasetshenziswa ngalesisikhathi.

Akulapenda abavotayo abazagxamuza iminwe yabo bekhombisa ukuba sebevotile kodwa sekuzasebenza usiba.

AbeZEC bathi bakhangelele ukuba kuthathe umzuzo owodwa kusiya kwemithathu ukuba umuntu avote.

Ukuhlola amabizo kuluhlu lwamagama okuvota kuzaqalisa ngoMqgibelo mhla zilitshumi lasificamunwe munye kusiya mhla zingamatshumi amabili lasificamunwe munye.

IZEC isinxuse labo ababhalisela ukuvota ukuba baye endaweni ezizamenyezelwa ukuyahlola amabizo abo kuluhlu lokuvota olwe voters’ roll.

Ngasikhathi sinye labo abangakabhaliseli ukuvota bayakhuthazwa ukuba bayebhalisela ukuvota ngesikhathi abanye behlola amagama abo kuluhlu lwababhalisele ukuvota.

Kusenjalo, iZEC isikhuphe amabizo endawo zalapho abantu abazakuyahlola amabizo abo kuluhlu lokuvota.

Indawo lezi zifisa phose inkulungwane ezilitshumi lanye - 10,807.

Labo asebalahla izithupha zokubhalisela ukuvota bakhuthazwe ukuba bangayahlola amabizo abo ngesithupha esezenge, esephepha leseplastiki kumbe ipassport okulesithombe esikhanyayo.

Abantu abedlula izigidi ezinhlanu – 5 million – sebabhalisela ukuvota eZimbabwe.

UMongameli Emmerson Mnangagwa uzakwethulela uzulu ilanga lokuvota kungaphethwa uhlelo lokuhlola amagama kugwalo lokuvota olwe voters’ roll.

Udaba Esilethulelwe NguAnnastacia Ndlovu
please wait

No media source currently available

0:00 0:03:20 0:00

Facebook Forum

XS
SM
MD
LG