amalinks wokungena

Breaking News

Intengo Yempahla Ezitolo Iqhubeka Iqonga


Intengo yesinkwa layo ikhuphukile.

Intengo yempahla ezitolo iqhubeka iqonga ngesikhathi umongameli Emmerson Mngangwa ethembisa uzulu ukuthi impilo izakuba ngcono phansi kombuso wakhe.

Intengo yesinkwa, inyama lokunye ivuke iskhupohukile izolo yona imali emabhanga ilokhu ililihlo lentwala.

Lokhu kuqonga kwentengo yempahla kubonakale kakhulu kuyonale inyanga ka Mpalakazi lapho lemali ehlawuliswa uzulu kumisebenzi eyehlukeneyo layo ithe xaxa.

Inhloliziso enziwe zingcwethi kwezomnotho iveze ukuba intengo iqonge isukela kusilinganiso sokubili ekhulwini kusiya kokwedlula ikhulu ( 2 to 125 % ) phakathi kwenyanga kusukela lapho umongameli Mnangagwa ethatha intambo zombuso.

Kumbiko wakhe awethule kubalandeli bebandla lakhe le Zanu Pf, ngesikhathi kungenwa umhlangano we Special Congress, uMnangagwa ukhuze osomabhizimusi labalungisa impahla ukuba behlukane lomkhuba wokufuna ukwenza yenzuzo enengi ngokwedlulise amalawulo ngesiphangiphangi.

Kodwa osekusenzakala kusobala ukuba akekho okulaleleyo lokho ngoba yilowo lalwo ebonakala esenza santando lapho ethengisa impahla yakhe kakhulukazi eyokudla.

Lokhu kutshiye uzulu ilizwe lonke ephethe owangaphansi esethuswa yizehlakalo zokuqhubeka iqonga intengo yempahla ngokuphindiweyo.

Ngempelaviki uzulu uvuke esengobona ukuqonga kwentengo yesinkwa ngesilinganiso sokulitshumi ekhulwini – 10% sisuka kudola linye ukuya kudola lamasenti alitshumi i loaf lilinye.

Izakhamizi ze Harare okubalisa unkosikazi Marble Mhlanga, zitshengise ukudana okukhulu ngalesi sehlakalo.

Unkosikazi Mhlanga uthi okubuhlungu kuye labanye yikuba lokhu kwenzakala ngesikhathi uzulu elungiselela ukuya kukhefu lekhisimusi.

Umnumzana Caleb Shumba uthi lokhu kuqansa kwentengo yempahla kuyisibonelo ukuba zizakuba nzima izikhathi esesingena kizo ngaphansi kukahulumende kamongameli Mnangagwa.

Impahla ebalisa amafutha okuphekisa, itshukela, i rice, i flour kanye lochago sekubiza intengo ephezulu kulalokho obekuyikho khona kunyanga edluleyo.

Uzulu uthi kusobala ukuba osomabhizimusi bengelani lozulu, okwabo kuyikufuna ukwenza imali yenzuzo ethe xaxa kuphela njalo bengalaleli lapho bekhuzwa yinkokheli.

Abe Confederation of Zimbabwe Retailers Association bathi lanxa lokhu kuqonga kwentengo kubangelwa yikuswelakala kwemali yakwamanye amazwe, okunye sekusengezwa yikuganga nje kwabo somabhizimusi.

Ingcwethi kwezomnotho zona zithi izinto zilakho ukuqhubeka zisiba nzima kumuntukazana weZimbabwe ngaphandle kokuba uhulumende abeke imithetho elukhuni ukwenqabela ukuqhubeka kokuqonga kwentengo yempahla elizweni.

please wait

No media source currently available

0:00 0:03:44 0:00

Ukuhlaziya loludaba sixoxe lengcwethi ecubungula ezomnotho welizwe, uMnu. Rejoice Ngwenya othi intengo yempahla ezitolo ihlala ikhuphuka izisebenzi zikahulumende zingaphiwa iholo le bonus.

please wait

No media source currently available

0:00 0:03:44 0:00

Facebook Forum

XS
SM
MD
LG