Uhlangothi lweZimstats luthi intengo yempahla elizweni lokhe isehla kubangelwa yikwehla kwenani labathengi ngoba bengelayo imali.
Loluhlangothi luthi isibonelo salokhu sikhuphuke ngesilinganiso sokukodwa lengxenye 1,6 ekhulwini ngenyanga ka Mabasa.
Ngokusilela kwemisebenzi elizweni inengi liyehluleka ukuthenga impahla ezitolo okubangela ukuthi impahla zitholakale kodwa imali ibe lilihlo lentwala.
Imizi eminengi omangaye sebelala eziko khona ezitolo ukudla kugcwele.
Ukuhlaziya loludaba uChris Gande weStudio Seven uxoxe lengcwethi kwezomnotho, uMnu. Masimba Kuchera othi mpela akulamali elizweni.
"Udaba olukhona lapha yikuthi abantu abasenelisi ukuthenga impahl okuthiwa yi deflation ngesilungu izinto sezitshiphe kakhuilu kodwa abantu kabakwanisi ukuthenga," kutsho uKuchera.
Uthe lokhu kuzabangela ukuthi intengo iqhukele phambi isehla ukwenzela ukuthi abantu benelise ukuthenga ukuze impahla ingahlali kakhulu ingathengangwa ezitolo.
Uthi lanxa lokhu kukubi kuyenelisa ukuba lobuhle bakho ngabo abalungisa impahla bazacina belungisa impahla lokudla okwenelisa ukuthengwa nguzulu hatshi lokhu okukhona okwamanje.
"Nxa uyisupermarket u oparetha ngolokhwana okuthiwa small profit quick returns ngesilungu okutsho ukuthi bayabe befuna ukuthi bathengise izinto ezinengi ukuze bathole inzuzo," kutsho uKuchera.