amalinks wokungena

Breaking News

Intengo Yempahla Ilokhu Iqonga Kulandela Ukukhuphuka Kwembadalo Yamafutha Ezimota


fuel shortages

Inhlanganiso emela abathengi eyeNational Consumer Rights Association, ithi intengo yempahla ezinegi ezitolo isikhwelile kulandela ukukhuphuka kwentengo yephethulo ledizili ngoLwesibili.

Inhlanganiso emela abathengi eyeNational Consumer Rights Association, ithi intengo yempahla ezinegi isikhwelile kulandela ukukhuphuka kwentengo yephethulo ledizili ngoLwesibili.

Inhlanganiso le ithi ukudula kwempahla lokhu kuzadala ubuyanga obumangalisayo ebantwini, abavele besidla imbuya ngoluthi.

Abemitshova emadolobheni agoqela eleHarare bahle bakhweza imbadalo emini ngoLwesibili isuka kumadola amabili kumbe amathathu lengxenye kusiya ngendawo, isiya kumadola amahlanu uhambo ngalunye, okubangele ukuthi abantu abanengi beminyane emabhasini kahulumende aweZUPCO ngoba egadwa nge 50 cents kuphela ukuya emalokitshini aseduzane ledolobho.

Amabhasi la ebegcwele ngendlela eyingozi abanye begade phezu kwawo. Abanye bebeminyezelana bengena ngamafasitela.

Abemitshova koBulawayo bona babikwa belakho ukungasebenzi ngoLwesithathu ngoba besithi akulanzuzo abayitholayo njengoba intengo yamafutha ikhuphukile.

Sixhume isikhulumeli seNational Consumer Rights Association uMnu Effie Dlela Ncube ukuze sizwe okunengi ngaloludaba.

please wait

No media source currently available

0:00 0:03:14 0:00

Facebook Forum

XS
SM
MD
LG