amalinks wokungena

Intengo Ezitolo Sikhuphukile Lamafutha Ezimota Asephela Njengomnyaka ka2008

  • Chris Gande

Abantu sebebutha impahla ezitolo.

Lanxa umphathintambo wezekhaya, uMnu. Ignatius Chombo, eyethusele abethula imbiko yokuthi kuzasilela impahla ezitolo esithi akusiloqiniso, kwezinye izitolo bekubetha umoya kuthi intengo yenye impahla yakhwezwa.

Indwenwe zabadinga amafutha ezimota lazo bezisesabeka endaweni ezinengi zelizwe. Abenhlanganiso yabalungisa amafutha okupheka, eye Oil Expressers Association of Zimbabwe, bathi imali yakwele Melika abamele bayithole ngenyanga, i$20 million, seyehliswa sebephiwa $8 million kuphela osekubangele ukuthi amafutha asilele elizweni.

Sokukhuphuke intengo yempahla okumangalisayo ezitolo ezinengi.
Sokukhuphuke intengo yempahla okumangalisayo ezitolo ezinengi.

Kuthi emabhanga kubikwa lemali yohlobo lwama bond notes ingasatholakali lula.

Embikweni awethule ngeSonto, uChombo uthe ukusilela kwempahla ezitolo kubangelwa yimbiko eyethulwa ngabantu ebulenjini okungaba kubangele ukuboshwa kukamfundisi Evan Mawarire laye owethule imbiko yakhe ebulenjini esola okwenzakala elizweni, ikakhulu kwezomnotho welizwe.

Sixoxe losomabhizimusi wako Bulawayo, uMnu. Albert Mhlanga, othi mpela impahla ezitolo isisielela.

"Bebethenge impahla yokuthi ingafika okwezinyanga kodwa amalayini akhona made kakhulu vele awahambi. Imali bayayikweleda kuzihlobo besithi ngabe kusiyafika ukuphela kwelanga sebethengile," kutsho uMhlanga.

Facebook Forum

XS
SM
MD
LG