amalinks wokungena

Breaking News

Intengo Yetshukela, Amahlamvu Etiye Ikhuphuka Kancance NgoNkwenkwezi


Inhlanganiso ekhangelane lokulondolozwa kwelungelo labathengi eye Consumer Council of Zimbabwe (CCZ) ithi intengo yetshukela, amahlamvu etiye lamatamatisi ikhuphuke kancance ngoMabasa kusiya kuNkwenkwezi ngenxa yongungatholakali kwempahla elungiswa eZimbabwe lokwehla kwesisindo se Rand lakwele South Africa.

Umqondisi we CCZ uNkosazana Rosemary Siyachitema uthi intengo yetshukela ikhuphuke nge 5c, amahlamvu etiye nge 7c, uchago 3c, ikhabitshi 15 kuthi-ke amatamatisi nge 21c.

UNkosazana Siyachitema uthi lokhu kutsho ukuthi imuli yabantu abayisithupha abahlala emadolobheni abahola imali ephansi sokumele badinge imali edlula kancane amakhulu amahlanu amadollar-$504,05 ngenyanga ukuze baziphilise, iqonga isuka ku-$501.79.

Uthi intengo yomlilo kagetsi, imfundo, izigqoko, amanzi lomthelo wezindlu akukhuphukanga.

Unkosazana Siyachitema uthi loba intengo yetshukela lokunye kukhuphuke kancane, uzulu kenelisi ukuphila ngokufaneleyo kungaze kukhuphulwe intengo yempahla etshiyeneyo nge cent.

XS
SM
MD
LG