amalinks wokungena

Breaking News

Uyaqhubeka Umkhosi weIntwasa Bulawayo Arts Festival 2014


Intwasa Arts Festival

Umkhosi walonyaka owe Intwasa Bulawayo Arts Festival uvulwe okusemthethweni ngoLwesithathu ntambama liqhawe lezemidlalo eyokuzilibazisa uCont Mhlanga.

Umdlalo walonyaka owe Intwasa owenzelwa koBulawayo ubizwe ngokuthi "Unforgettable" okuthiwe ngabaqoqi bawo kutsho ukuba awukhohlakali njengoba uyala ulokhu ukhula ngokuhamba kweminyaka nanku phela lonyaka usufikise iminyaka elitshumi.

Ngokunjalo ke umkhosi wokuvula okusemthethweni umbukiso walonyaka lawo ubuhlelwe ngendlela eyokuba uzulu ekhumbule ingoma ezake zadla ubhedu eminyakeni eyadlulayo njalo abaculi abathi uRamsey Kays, uSandra Ndebele kanye lo Chase Skuza baphakulele uzulu ingoma zabaculi abagoqela uLovemore Majaivana, uFanyana Dube, uBusi Ncube, uSolomon Skuza, uMarshal Munhumunwe, iPied Pipers, uSafirio Madzikatire, iZig Zag Band kanye labanye abaduma kakhulu ngensuku esezadlula.

Ekhuluma ngamafitshane nje obengumhlonitshwa emkhosini wokuvula okusemthethweni umbukiso walonyaka uCont Mhlanga utshayele ihlombe abaqoqi bemidlalo le ngokufikisa kwabo iminyaka elitshumi.

Imidlalo yalonyaka iqale ngoLwesibili mhla zingamatshumi amabili lantathu ku Mpandula njalo iyafika komlindi uyacina mhla zingamatshumi amabili lesikhombisa kuyonale inyanga.

Umqondisi we Intwasa koBulawayo uRaisedon Baya ubonge kakhulu inhlanganiso ezifana le Delta ngaphansi kohlangothi lwe Chibuku ethi kungasizo ngabe abenelisanga ukwala belokhu beqhuba loluhlelo.

Indawo lapho okuqhutshelwa khona imidlalo lemicimbi cimbi etshiyeneyo ngezigoqela ngaphandle kwe Large City Hall, eNational Art Gallery, ehoteleni ye Rainbow, eHope Centre kanye le Bulawayo Threatre.

Abaculi bengoma zokholo abaziwa ngokuthi yi Vocal Ex okuyibo abavule ngomthandazo ngoLwesithathu ntambama yibo abaqhiba udaba lwethu lamhlanje.

please wait

No media source currently available

0:00 0:08:35 0:00
Lapho esitholakala khona

XS
SM
MD
LG