amalinks wokungena

Breaking News

EleZimbabwe Lihuga Osomabhizimusi BeSouth Africa


Deputy Prime Minister Arthur Mutambara
Deputy Prime Minister Arthur Mutambara

UMnumzana Authur Mutambara, ukhuthaze osomabhizimusi beZimbabwe labakwele South Africa ukuthi balobelane izivumelwano zamabhizimusi.

Umhlangano kahulumende weZimbabwe owokukhanga osomabhizimusi ukuthi bezosungula inhlelo uqalile ngoLwesithathu kwele South Africa ohulumende bamazwe womabili bekhuthaza osomabhizimusi ukuthi bengachithi isikhathi.

Umsekeli womkhokheli kahulumende, oMnumzana Authur Mutambara, ukhuthaze osomabhizimusi beZimbabwe labakwele South Africa ukuthi balobelane izivumelwano zamabhizimusi umhlangano wamalanga amabili lo ungakapheli.

Abaphathintambo, izisebenzi zikahulumende, osomabhizimusi labantu makhaza bakwele South Africa kanye leZimbabwe bathe gwaqa eBirchwood Hotel eMpumalanga oyedolobho le Johannesburg bexoxa ngamathuma okuvula amabhizimusi eZimbabwe.

Umhlangano lo oqhutshwa phansi kwesihloko esithi: qala ezamabhizimusi ezimbabwe ngokusebenza ndawonye emikhakheni yezenotho etshiyeneyo, uhlose kakhulu abamabhanga, ababolekisa imali kanye lemihlobo yonke yabosomabhizimusi.

Okhokhela iqula leZimbabwe kulo umhlangano, umsekeli kamkhokheli kahulumende uMnumnzana Arthur Mutambara, utshele amanxusa akulo umhlangano ukuthi iZimbabwe isikulungele ukusungulwa kwezamabhizimusi kwezemigwaqo, ezenjiwayo, ezezimali, kwezokwethekela, ezokulima lakwezinye inhlangothi ezitshiyeneyo.

Lobanje uMnumnzana Mutambara evumile ukuthi izimbabwe isabhekane lenhlupho ezinengi kwezomnotho lezombusazwe, uthe uhulumende usebenza gadalala ukuthi umumo elizweni ulungele ezamabhizimusi.

Umphathintambo wogatsha lokuhlelwa kwezomnotho lenhlelo zamabhizimusi, uMnumzana Tapiwa Mashakada uthi umhlangano lo uhlose osomabhizimusi bakwele South Africa njengoba leli lizwe yilo eliphambili kwezokuthengiselana leZimbabwe. Ukhuthaze osomabhizimusi kwele South Africa ukuthi badinge amabhizimusi eZimbabwe abafuna ukumanyana lawo kwezamabhizimusi emikhakha etshiyeneyo.

UMnumnzana Mashakada uthe uhulumende uphakathi kokulungisisa imithetho yezomnotho ikakhulu leyo eyesatshwa ngosomabhizimusi bakwamanye amazwe.

Uhulumende wakwele South Africa yena uncome oweZimbabwe ngokuphikelela ngenhlelo zokusungula amabhizimusi elizweni kungenani lendubo ezibhekane lelizwe.

Umsekeli kamphathintambo wezamabhizimusi lezokuthengiselana kwele South Africa, uNkosikazi Elizabeth Thabethe, uthe uhulumende wakhe uzakupha usekelo olugcweleyo kulabo abafuna ukuyasungula amabhizimusi eZimbabwe.

Unxuse osomabhizimusi bakwele South Africa ukuthi basebenzise izivumelwano zamazwe womabilila njengenkuthazo yokuqala ubudlelwano kwezamabhizimusi.

Kusenjalo umphathintambo ehofisini yomkhokheli kahulumende uMnumnzana Jameson Timba, ukufithizele ukuqakatheka kokuthi izimbabwe iqhube ukhetho olukhululekileyo ukuze imihlangano yokukhanga osomabhizimusi bakwamanye amazwe iqale ukuthela izithelo.

Amanye amanxusa njalo athe ukungabikhona kwabaphathintambo beZANU PF kulo umhlangano kakubaphi sibindi sokusungula amabhizimusi eZimbabwe.

Ngelanga lokucina lalo umhlangano amanxusa akhangelelwe ukukhuluma ngesimo sezamabhizimusi eZimbabwe, ezemali, ukwakha ubudlelwano kanye lendima ezadlalwa ngohulumende bamazwela womabili.
please wait

No media source currently available

0:00 0:03:44 0:00
Lapho esitholakala khona


Ukuze sihlaziye loludaba sixoxe loMnu. Zenzo Nkomo, ingcwethi ecubungula ezombusazwe. UNkomo utshele uSithandekile Mhlanga weStudio 7 ukuthi umhlangano lo yingxenye yenhlelo eziqakathekileyo ezokuthuthukisa umnotho weZimbabwe.

please wait

No media source currently available

0:00 0:02:22 0:00
Lapho esitholakala khona
XS
SM
MD
LG