amalinks wokungena

Breaking News

Amapholisa Adingisisa Ngodaba Lwezakhamizi zePlumtree Ezidle Inyama Eletshefu


Dead Cow

Ngemva kokubona abanye begijinyiswa yizisu, esinye isakhamuzi, kulokulahla linyama, ubikwa eyiphekile, wachitha amanzi kathathu esithi kungakhupha itshefu, kodwa akusizanga ngoba laye uhle wagula.

Kulandela ukugula kwabantu abedlula amatshumi amane esiqintini seBulilima eKhandamhlophe Village e Plumtree ngemva kokudla inyama yenkomo ebiletshefu, amapholisa alesisigaba abikwa esebize abantu ababili ukuthi ibabuzisise ngaloludaba.

Abagulayo abakade beselatshwa esibhedlela se Plumtree Hospital le Ndolwane Clinic sebekhitshiwe esibhedlela njalo umnikazi wenkomo, onguye obathengisele inyama ubikwa ethembise ukubahlawulela indleko zesibhedlela. Abanye babikwa beziphumele esibhedlela lanxa belokhu bengakasili ngoba bengafuni ukuthi kube lendleko zemali ezinengi.

Ukhansila walesisigaba uMnu. Zoolakes Nyathi ubikwa esithi abantu bazafundiswa ngengozi yokudla inyama engahlolwanga ekuqaleni kweviki ezayo.

Abafana abakade beluse linkomo babikwa beyitshaye ngenduku yafa, basebeyihlaba ijekiseni yacuba, bayihlaba ijekiseni ngendlela yokufihla icala labo.

Eyinye inyama ibikwa ithengisiwe eyinye yaphiwa nje abantu ukuthi bezidlele.
Isakhamuzi salindawo, uMnu. Moki Ncube utshele uSithandekile Mhlanga weStudio 7 ukuthi yena ngomunye wabadle linyama njalo imuli yakhe igulile.

please wait

No media source currently available

0:00 0:02:26 0:00
Lapho esitholakala khona



Ngemva kokubona abanye begijinyiswa yizisu, omunye owesilisa oyisakhamuzi salindawo, endaweni yokuthi alahle linyama, ubikwa eyiphekile, wachitha amanzi ayixhwathise ngayo kathathu esithi lokhu kungakhupha itshefu, kodwa akusizanga ngoba laye uhle wagula.
XS
SM
MD
LG