amalinks wokungena

Inkokheli yeMDC-T Iphoselana Aqatha Enkundleni Zokuxhumana Kubangwa Isikhundla Sika Tsvangirai

  • Chris Gande

UMnu. Morgan Tsvangirai

Iziphathamandla zebandla le MDC-T seziqalisile ukuphoselana aqatha enkundleni zokuxhumana ebulenjini kubangwa ozelama uMnu. Morgan Tsvangirai nxa ethe wasuka esihlalweni.

NgeSonto imuli yako Tsvangirai, obulawa ngumkhuhlane wemvukuzane, yethule umbiko othi isizamnakekela yona hatshi ibandla ngoba isifuna ukuthi abhekane lenhlungu zomkhuhlane hatshi umsebenzi webandla.

Lokhu kulandelwe yimbiko yakhe uTsvangirai etshengise ukuthi ulakho ukudedela emuva atshiyele isihlalo osakhulayo angamqambanga igama.

Isikhulumeli sebandla, uMnu. Obert Gutu ulandele lumbiko ku twitter esithi uTsvangiria kayindawo ngoba idale le National Council selivumelane ukuthi nguye ozamela ibandla kukhetho oluzayo kunyanga ezimbalwa ezilandelayo.

UGutu wengezelele esithi imbiko yesikhulumeli sika Tsvangirai, uMnu. Luke Tamborinyoka eyokuthi uTsvangirai waya eSouth Africa ngempelasonto ngamanga ngoba uTsvangirai wayekhengelelwe ukusuka elizweni ngoLwesibili.

Kodwa isikhulumeli sika Tsvangirai, u Tamborinyoka, abanye abathi usekela uMnu. Nelson Chamisa ukuthi elame uTsvangirai, uphendule ku Facebook esithi uTsvangirai uyazikhulumela yedwa kumbe akhulunyelwe nguye uTamborinyoka, wathi okunye okhukhulunywayo, okunjengembiko ka Gutu, angambethanga ngegama, kufana lomkambo wensitha ongekho emthethweni.

Unobhala jikelele webandla, uMnu. Douglas Mwonzora, obikwa laye ekhwabitha isikhundla sika Tsvangirai, yena ungene ku twitter wathi bakhona abasetshenziswa nguhulumende ukunyathezela amabandla aphikisayo.

Inengi elikunkundla le lihle laphendula lathi lapha utsho uChamisa ocatshangelwa ukuthi ulobudlelwano loMongameli Emmerson Mnangagwa.

Ukuhlaziya ingxabngxoza ekubandla le MDC-T, uChris Gande we Studio Seven, uxoxe lengcwethi ecubungula ezombusazwe, uMnu. Effie Dlela Ncube.

“Akumelanga vele ahlale kuze kube phakade, umzimba wakhe uyatsho ukuthi kumele aphumule,” kutsho uNcube.

Facebook Forum

XS
SM
MD
LG