amalinks wokungena

Breaking News

Ingcwethi Zithi 'iPublic Emergency' KuSisekelo Ivikela Abantu Engozini


Isahluko se"Public Emergency" sibikwa sisipha amandla umongameli alakho ukunceda ilizwe kodwa nganxanye engawasebenzisa ukucindezela uzulu

Esinye isahluko sogwalo olukhangelelwe ukuba yisisekelo sombuso esitsha olweDraft Constitution sipha umongameli welizwe amandla okuthi azise ukuthi ilizwe selikusimo sokungahlaliseki kumbe esingabangela ukungahlaliseki ese “Public Emergency” nxa kulezehlakalo ezifana lezulu likazamcolo, impi kumbe ukwesabela ukuthi kungaba lempi, lokunye okungaphazamisa ilizwe.

Kufanele isimo lesi silotshwe kugwalo lwe gazette, njalo iphalamende ivumelane lohulumende ngezinye zezehlakalo okufanele zibizwe ngokuthi ngeze “Public Emergency.” Kodwa ngakwelinye icele amandla la umongameli ulakho ukuwasebenzisa ngendlela ezingayisizo kunje lokucitha idale lephalamende nxa engathakazaleli ukusebenza kwalo lokunye okuphambana lentando kazulu.

UMnu. Rejoice Ngwenya, ingcwethi ecubungula ezombusazwe utshele uSithandekile Mhlanga we Studio 7 ukuthi amandla kamongameli la ayanceda abantu makhaza ngoba kungabekwa imali eceleni eyokuncedisa ukuthi umumo lo ubenganeno kungathiwa ngowe “Public Emergency”.

please wait

No media source currently available

0:00 0:02:08 0:00
Lapho esitholakala khona

XS
SM
MD
LG