amalinks wokungena

Breaking News

Iqembu Labesifazana Emdlalweni weKhilikithi Liya Emncintisweni weScotland


Iqembu labesiazana emdlalweni weKhilikithi ele Lady Chevrons

Ukaputeni weqembu labesifazne elimela ilizwe emdlalweni kakhilikithi uMary Anne Musonda uthi kuqakathekile ukuba badlale imidlalo eyokuzwana amandla phambilini kokuya kwabo emidlalweni yokudinga amazwe azakuyaphatheka kweyezizwe zomhlaba ezaqhutshelwa kwele Scotland.

Iqembu labesifazane elimela ilizwe le Zimbabwe emdlalweni kakhilikithi lithole ilungelo elokuyaphatheka esigaba esokucina esokudinga amazwe azakuyaphatheka emidlalweni yezizwe zomhlaba ngemva kokunqoba kumncintiswano oqhutshelwe esigodlweni iHarare ensukwini ezisanda kwedlula.

Amantombazana akwele Zimbabwe aphumelele kuyoyonke imidlalo abayidlale kulumncintiswano njalo ku final badibane leqembu lase Namibia lona abalinqobe ngama runs angamatshumi amahlanu.

Isigaba sokucina esemidlalo eyokudinga amazwe azaphatheka kumncintiswano wezizwe zomhlaba izaqhutshelwa elizweni lase Scotland ngenyanga ka Ncwabakazi langenyanga ka Mpandula.

Ekhuluma lentatheli zemidlalo ekupheleni komncintiswano oqhutshelwe esigodlweni ukaputeni weqembu le Zimbabwe uMary Anne Musonda uthe kuzamele balungiselele kanzima ukuze bafinyelele ukuyaphatheka kumidlalo yezizwe zomhlaba.

Iqembu le Zimbabwe ngelinye lamaqembu ayisithupha osekusaziwa ukuba azaphatheka kumidlalo eyokudinga amazwe azakuyadlala kumidlalo yezizwe zomhlaba ndawonye lamazwe abalisa ele Scotland okuyilo elizaqoqa limidlalo, ele Thailand, kanye lele Papua New Guinea.

Amanye amaqembu amabili azaphatheka kulimidlalo khona azakwazakala ngemva kwemidlalo ezaqhutshwa kuzwekazi lase Melika kanye lase Europe.
Amaqembu amabili phakathi kwamaqembu lawa ayithoba minwe mbili azaphutsha esendaweni ezimbili ezakuqala yiwo azakuyadlala kumidlalo yezizwe zomhlaba yona ezaqhutshelwa kwele Australia ekuqaleni komnyaka ozayo.

Sikhangele umdlalo wenguqu.
Iqembu le CAPS United yilo eselihlezi phezu kwengalane yemiklomelo kusigaba se Castle Lager Premier Soccer League ngemva kokunqoba elikwenze ele Triangle nge 2 ka 1 ngeSonto. Iqembu le CAPS United lilemiklomelo elitshumi lesithupha ngemva kokuba lidlale imidlalo eyisithupha.

Endaweni yesibili kuleqembu le Chicken Inn lona elibhaxabule ele Highlanders nge 3 ka nya ngoMgqibelo njalo elilemiklomelo elitshumi lanhlanu.

Iqembu le ZPC Kariba lihlezi endaweni yesithathu lilemiklomelo elingene leye Chicken Inn kuthi iqembu le FC Platinum lithe ngokudliwa elikwenziwe nge 1 ka nya elikwenziwe ngele TelOne latshelela lisuka esiqongweni layahlala endaweni yesine lilemiklomelo elitshumi lane.
Emsileni wengalane kuleqembu le Bulawayo Chiefs lona elithole umklomelo walo wakuqala ngemva kokuba ngutshiki lobhanqa 0 ka 0 lele Harare City ngoMgqibelo.

Endaweni yesibili usuka emsileni kuleqembu le Highlanders lona elilemiklomelo emine ngemva kokudlala imidlalo eyisikhombisa kuthi endaweni yesithathu usuka emsileni kuhlezi amaqembu abalisa ele Yadah kanye lele Mushowani Stars wona alemiklomelo emihlanu iqembu ngalinye.

Ezemidlalo siloJoseph Njanji
please wait

No media source currently available

0:00 0:02:59 0:00

Facebook Forum

XS
SM
MD
LG