amalinks wokungena

Breaking News

Iqembu Lenguqu ElamaWarriors Lilolongela Umdlalo leMozambique koBulawayo


Zimbabwe Warriors
Zimbabwe Warriors
Iqembu elimela isizwe emdlalweni wenguqu likhangelelwe ukuqala amalungiselelo alo okudibana leqembu ele Mozambique ngoLwesine edolobheni lako Bulawayo okuyikho osokuzadlalelwa khona umdlalo wokuzwana amandla phakathi kwalawa mazwe ngeNsonto enkundleni ye Barbourfields.

Abaqeqetshi beqembu lama Warriors bakhethe abadlali abangazake bethole ithuba lokudlalela iqembu lesizwe ukuba babe yingxenye yaleliqembu emdlalweni walo wangensonto ukuze kukhanye loba bengenelisa ukuba yingxenye yeqembu elizakuyamela ilizwe emidlalweni ye Chan ezaqhutshelwa elizweni le South Africa ekuqaleni komnyaka ozayo.

Isikhulumeli senhlanganiso ye Zifa uXolisani Gwesela utshele lumsakazo ukuba abadllali ababiziweyo bakhangelelwe ukuba babe sebefike edolobheni lako Bulawayo namhla ntambama kuthi kusasa beqale amalungiselelo abo kweyinye yezinkundla zomdlalo kanobhutshuzwayo eziko Bulawayo njalo kukhanya angathi leliqembu lizasebenzisa inkundla ye White City kumbe eye Barbourfields.

Inkokheli yeqembu lama Warriors ithi ifuna yonke imidlalo yaleliqembu idlalelwe ko Bulawayo enkundleni ye Barbourfields njalo inhlanganiso yeZifa isiyamukele lesosicelo njalo yonke imidlalo yokuzwana amandla ezadlalwa ngama Warriors phambilini komncintiswano we Chan izaqhutshelwa eMagumeni.
Iqembu lama Warriors likusibaya sika Group B kumncintiswano weChan ndawonye lele Burkina Faso, iUganda kanye lele Morocco.

Kolunye udaba olumayelana lomdlalo wenguqu umqeqetshi wabonozinti beqembu le Highlanders uTembo Chuma uhambela phezulu kulezinsuku ngemva kokukhethwa komunye walabo abaqeqetshayo uMunyaradzi Diya ukuba abe ngomunye wabadlali abangene kuluhlu lwabadlali abadlale kuhle lonyaka.
Nyakenye omunye umdlali oqeqetshwa ngu Chuma uAriel Sibanda ungenile laye kukhalenda yabadlali abadlale kuhle njalo uChuma uthi lokhu kubangelwa yikuba babambene ekusebenzini kwabo.

Lo ubungumnyaka omuhle kuChuma labadlali bakhe njengoba uDiya ephinde wakhethwa ukuba ngunozinti odlale okwedlula abanye kumncintiswano we Mbada Diamonds Cup.
XS
SM
MD
LG