amalinks wokungena

Iqembu le Highlanders Linqoba iGunners eMabvuku Emdlalweni we Premier League

  • Gibbs Dube

Iqembu le Highlanders ngoLwesithathu linqobe ele Gunners nge 1-0 eLarfage Stadium eMabvuku kwathi-ke iDynamos layo yanqoba iQuelaton eLuveve Stadium.

Umdlali we Gunners uhlohle ekhaya ngesikhathi abadlali be Highlanders bebathwalise amagabha avuzayo.

ELuveve Stadium, iDynamos ibhuqe iQuelaton ngokulithela emambuleni kanye kwathi-ke iQuelaton yabona ntuthu.

Kweminye imidlalo ekade ikhona ngoLwesithathu, kubengutshiki lobhanqa emdlalweni we Caps United le Black Mambas lapho okubeyi 1-1, iFC Platinum inqobe iHardbody 3-1.

Iqembu le FC Platinum linqobe iHardbody ngesikhathi libikwa lixotshe uMnu. Rahman Gumbo izolo elithe kenzi kahle umsebenzi.

Umnu. Gumbo okwamanje ubambe lesikhundla somqeqetshi weqembu lelizwe lama Warriors.

Utshele iStudio 7 ukuthi kukhanya sokusehlula ukusebenza leqembu leli.

Umnu. Omega Sibanda ingcwethi kwezemidlalo yenguqu uthi akulunganga okwenziwe yi FC Platinum njengoba amaqembu amakhulu wonke aseqalisa ukuxokozela phezulu kwengalani yemiklomelo eye Castle Lager Premier Soccer League.

XS
SM
MD
LG