amalinks wokungena

Breaking News

Iqembu lePatriots Linqoba eleRivers Hoopers Emdlalweni Wakuqala Kumncintiswano weBasketball Africa League


Iqembu lePatriots linqobe eleRivers Hoopers 83-60 ngeSonto emdlalweni wakuqala womncintiswano weBasketball Africa League (BAL).

Umdlali wePatriots, uBrandon Costner, uhlohle okufika amatshumi amabili (20) elandelwa nguDieudonne Ndizeye (13) loPrince Ibeh (11).

Umsakazo weVoice of America ubika ukuthi uTaren Valdis Sullivan weqembu leRivers Hoopers uhlohle okufika itshumi lanhlanu (15).

Iqembu lePatriots liyakhokhela okwamanje kungalani kaGroup A kulandela ukunqoba kwalo iqembu leRivers Hoopers.

Amaqembu alitshumi lanye akumncintiswano weBAL. Imidlalo le kwakumele iqale mhlaka 12 Nkwenkwezi kusungulwa inhlanganiso yeBAL eDakar kwele Senegal kodwa kwamiswa kulandela ukuqhamuka komkhuhlane weCOVID-19.

Umncintiswano lo usekelwa yiNational Basketball Association lenhlanganiso yeInternational Basketball Federation.

Amaqembu azancintisana adabuka kwele Algeria, Angola, Cameroon, Egypt, Madagascar, Mali, Morocco, Mozambique, Nigeria, Rwanda, Senegal leTunisia.

(VOA)

XS
SM
MD
LG