amalinks wokungena

Breaking News

Iqembu LeYoung Brothers Lihwatsha Idlalade Elitsha


Amakatali

Kuwoza Friday lamhlanje sileqembu lomdumo weRhumba eleMatabeleland Young Brothers & Young Generation. Leli qembu liledlalade elitsha elithi Isibhamu somthetho.

Iqembu leMatabeleland Young Brothers and Young Generation lisungulwe ngo 2006, lisabizwa ngokuthi Matabeleland Young Brothers kuphela.

Kuthe ngokuya kwesikhathi umsunguli waleli qembu uJosphat Gumede wasethatha intsha esakhulayo egoqela izizalwane zeZimbabwe, ezeBotswana lezakweleSouth Africa. Lokhu kudale ukuguquka kwegama leza selilo Young Generation.

Ngemva kwesikhathi, lindoda edume ngelithi Gumede ithe zwi, isivumbuluke ledlalade elitsha elithi Isibhamu somthetho. Laphake kukhulunywa ngeqhathanzipho lentokazi, esakhulayo besekuthi lo ofuna ukuyilobola acele ukuthi ayigcinelwe ethi loba kuzathatha isikhathi ezinganani uzayilinda.

UGumede uthi usephendukile akusabuyelwa emuva.

Zibotshwe mfi iziginci kuleli dlalade kanti omunye wabaziphetheyo uVincent Moyo, uthi kusetshenziwe.

Ezinye ingoma ezikuleli dlalade zibalisa ethi Ukuhlela kwenqama, Isibhamu somthetho, Makhumalo lezinye.

Lelike lengeza phezu kwamadlalade ayisithupha aleli qembu abalisa Udlozi, Isihlobo sami, Umuntu owadalimali, Eriya, loJele. Lelike elithi Isibhamu somthetho liphelekezelwa yiDVD, kantike uGumede uthi zitholele yona ungayizweli komakhelwana.

please wait

No media source currently available

0:00 0:06:16 0:00
Lapho esitholakala khona

XS
SM
MD
LG