amalinks wokungena

Breaking News

Iqembu leHighlanders Likhuphuke Kancane Engalaneni Yemiklomelo


Madinda Ndlovu

Iqembu lomdlalo wenguqu ele Highlanders likhuphuke layahlala endaweni yesihlanu nxa usuka ngaphansi kwengalane yemiklomelo ngemva kokunqoba elikwenze ele ZPC Kariba nge 2 ka nya ngeSonto.

Iqembu le Bosso belihlezi endaweni yesithathu nxa usuka ngaphansi kwengalane phambilini kwemidlalo yeviki letshumi kusigaba se Castle Lager Premier Soccer League.

Impumela yomdlalo wangeSonto itsho ukuba iqembu le Highlanders selinqobe emidlalweni emibili ilandelana ngemva kokudlala imidlalo eyithoba minwe mbili lisehluleka ukunqoba.

Loba kunjalo, umqeqetshi waleliqembu uMadinda Ndlovu uthi abafana bakhe abakadlali ngendlela afuna bedlale ngayo.

"Ngilomthwalo onzima phambi kwami owokuthi ngenze abafana laba bazikholwe babesebedlala ngendlela iqembu leHighlanders elaziwa lidlala ngayo.

"Yebo kambe abantu bayakujabulela ukuba sesisenelisa ukuthola imiklomelo kodwa ngokubona kwami kunengi okusamele sikulungisise ukuze babe kuzinga esilifunayo."

Phezu kwengalane yemiklomelo kuhlezi iqembu le Chicken Inn lona elinqobe ele CAPS United nge 3 ka 1 ngeSonto. Iqembu le Chicken Inn lilemiklomelo engamatshumi amabili lambili okulinani elilingene leliqembu le CAPS United kodwa ele Chicken Inn lihlezi phezulu ngoba lihlohlwe kalutshwane.

Endaweni yesithathu kuleqembu le FC Platinum lona elinqotshwe nge 1 ka nya ngele Dynamos njalo lilemiklomelo engamatshumi amabili kuthi iqembu le Chapungu lihlezi endaweni yesine lilemiklomelo elitshumi lathoba minwe njalo elibe ngutshiki lobhanqa 1 ka 1 leqembu le TelOne ngeSonto.

Emsileni wengalane kuleqembu le Bulawayo Chiefs elilemiklomelo emihlanu njalo elinqotshwe nge 3 ka 2 ngele Ngezi Platinum Stars ngoMgqibelo.
Endaweni yesibili nxa usuka emsileni kuleqembu le Yadah elilemiklomelo eyisithupha njalo elinqotshwe nge 3 ka nya ngele Manica Diamonds kuthi endaweni yesithathu nxa usuka emsileni kuleqembu le Mushowani Stars lona elitshaywe nge 2 ka 1 ngele Triangle.

Iqembu le Herentals yilo elihlezi endaweni yesine nxa usuka emsileni lilemiklomelo eyithoba munwe munye njalo linqotshwe nge 2 ka 1 ngele Black Rhinos.

Kolunye udaba olumayelana lomdlalo wenguqu iqembu elimela ilizwe le Zimbabwe emdlalweni wenguqu elaziwa kakhulu ngegama elithi Warriors lizadibana leqembu elimela ilizwe le Zambia kusigaba se semi - final emncintiswaneni we Cosafa oqhutshelwa elizweni lase South Africa kulezinsuku.

Iqembu lase Zimbabwe linqobe ele Comoros nge 2 ka nya kusigaba se quarter – final kuthi ele Zambia litshaye ele Malawi nge 4 ka 2 ngemva kokutshaywa kwembekwa.

Nyakenye iqembu le Zimbabwe lele Zambia adibane kufinal njalo iqembu le Zimbabwe yilo elaphakamisa isicoco ngemva kokunqoba ku final.
Kweyinye isemi – final iqembu le Botswana lizadlala lele Lesotho.

Ezemidlalo siloJoseph Njanji
please wait

No media source currently available

0:00 0:02:26 0:00

Facebook Forum

XS
SM
MD
LG