amalinks wokungena

Breaking News

Iqembu leHighlanders Lilahla Phansi eleYadah


Abalandeli bebandla leHighlanders

Liqhubekela phambili litshaya eziwayo iqembu lenguqu eleHighlanders emdlalweni wesigaba seCastle Lager Premier Soccer League, njengoba ngoLwesine libhuqe ele Yadah emdlalweni obusenkundleni yeBarbourfields ko Bulawayo

Linqobe ele Yadah nge 3 ka 1 emdlalweni weviki lamatshumi amabili elesigaba seCastle Lager Premier Soccer League okuyimpumela ekhuphule inani lemiklomelo elilayo yaya kumatshumi amathathu lathoba munwe munye.

Ngokunqoba kwalo lokhu iqembu leHighlanders likhuphuke engalaneni yemiklomelo layahlala endaweni yesithupha.

Abahlohlele iqembu leHighlanders nguMbongeni Ndlovu, uGodfrey Makaruse kanye loTinashe Makanda njalo wonke amagoli eqembu leBosso angene ngehlandla lakuqala elomdlalo.

Ohlohlele iqembu leYadah igoli elokukhupha inhloni ngumgadli uRalph Matema yena owake wadlalela iqembu leHighlanders eminyakeni eyedluleyo.

Enkuluma lentathelizindaba zemidlalo umqeqetshi weqembu leHighlanders, uHendrik Pieter De Jong, uthe uyathokoza kakhulu ngempumela yomdlalo wanamhla.

“Ngiyathokoza ngempumela eyomdlalo wanamhla njalo sesikhangele umdlalo olandelayo.

Okungikhathazayo yikuba thina okumele sihambe umango omude sisiya esigodlweni yithi esidlale ngoLwesine ikanti iqembu leDynamos lona lidlale ngoLwesithathu okutsho ukuba balesikhathi eside esokuphumula.”

Iqembu leHighlanders lizakuya esigodlweni iHarare ukuyadlala lele Dynamos ngempelaviki ezayo.

Komunye umdlalo weCastle Premier Soccer League odlalwe ngoLwesibili, Iqembu leBlack Rhinos linqobe eleTelOne nge 2 ka 1.

Limpumela itshiye Iqembu leRhinos lihlezi endaweni yesihlanu lilemiklomelo engamatshumi amabili lambili.

please wait

No media source currently available

0:00 0:01:34 0:00


Facebook Forum

XS
SM
MD
LG