amalinks wokungena

Breaking News

Iqembu leHwange Libhaxabula eleIndlovu Iyanyathela Kumidlalo yeSouthern Region Division One


Ibhola

EPlumtree iqembu le Mainline linqotshwe 2 ka 5 ngele Casmyn kuthi emdlalweni wesibili obuse Luveve iqembu le CIWU lele Mountain Climbers abe ngutshiki lobhanqa 1 ka 1.

Iqembu le Hwange libhaxabule ele Indlovu Iyanyathela nge 7 ka 1 emdlalweni we Southern Region Division One odlalelwe enkundleni ye Luveve ngoMgqibelo emini.

Iqembu le Hwange selilemiklomelo eyisithupha ngemva kwemidlalo emibili eyesigaba se Southern Region Soccer League kulandela ukunqoba elikwenze ele Indlovu Iyanyathela namhla enkundleni ye Luveve B Arena.

Loba kunjalo umqeqetshi weqembu le Chipangano uBongani Mafu uthi kusasemasinya ukuba abantu bethi iqembu leli yilo umadlezinye kusigaba se Southern Region Division One.

Abahlohlele iqembu le Hwange ngukaputeni weqembu uKelly Shiyandidi yena ohlohle kulemizuzu eyisithupha umdlalo uqalile. USheperd Gadzikwa yena uhlohle ngomzuzu wetshumi lambili, uCourage Sibanda uhlohle umbekwa umdlalo usulemizuzu engamatshumi amabili lathobamunwe munye waphinda njalo walithela emambuleni sekulemizuzu engamatshumi amathathu lambili.

Ngemva kokuba amaqembu ehlabe ikhefu iqembu le Hwange liphenduke lahlohla igoli lesihlanu njalo ohlohlileyo ngu Edmore Moyo.

Iqembu le Indlovu Iyanyathela lihlohle igoli elokukhupha inhloni sekudlule imizuzu engamatshumi amahlanu lanye njalo lihlohlelwe nguIrvine Mhlanga, kwathi ele Hwange lihlohle igoli lesithupha ngomzuzu wamatshumi amahlanu lanhlanu njalo ohlohlileyo nguBlessing Ngoma.

Kuthe sekusele imizuzu elitshumi lanhlanu ukuba umdlalo ufike komlindi uyacina iqembu le Hwange lihlohle okukucina njalo olithele emambuleni ngu Tatenda Ushe.

Iqembu le Hwange lizadlala lele Ajax Hotspurs emdlalweni walo olandelayo kuthi ele Indlovu Iyanyathela lizadlala lele ZPC Hwange.

Kweminye imidlalo edlalwe ngoMgqibelo enkundleni yeWhite City iqembu le Ratanang linqobe ele Arenel nge 1 ka nya kuthi emdlalweni wesibili iqembu le Quality Foods libe ngutshiki lobhanqa 1 ka 1 lele Mosi Rovers.

Ngase Plumtree iqembu le Mainline linqotshwe 2 ka 5 ngele Casmyn kuthi emdlalweni wesibili obuse Luveve iqembu le CIWU lele Mountain Climbers abe ngutshiki lobhanqa 1 ka 1.

please wait

No media source currently available

0:00 0:02:03 0:00


Facebook Forum

XS
SM
MD
LG