amalinks wokungena

Breaking News

Iqembu leHwange Selikhokhela Engalaneni Yemiklomelo EyeCastle Premier Soccer League


Castle Lager PSL
Iqembu le Hwange selindize layahlala phezu kwengalane yemiklomelo esigabeni se Castle Premier Soccer League ngemva kokuhaqaza elikwenze ele Dynamos ngeNsonto. Intathelizindaba yethu yezemidlalo uJoseph Njanji usipha loludaba ndawonye lezinye.

Abafana beChipangano balemiklomelo engamatshumi amabili lambili ngemva kwemidlalo elitshumi lanye kuthi ngemva kwabo kuhlezi iqembu le Highlanders lona elilingene ngemiklomelo leqembu le How Mine elihlezi kundawo yesithathu womabili lawamaqembu elemiklomelo engamatshumi amabili lanye.
Kundawo yesine kuleqembu le ZPC Kariba lona elilemiklomelo elitshumi lathoba munwe munye njalo lilingene ngemiklomelo leqembu le Dynamos elikundawo yesihlanu.

Iqembu le Caps United lihlezi kundawo yesithupha lilemiklomelo elitshumi lesikhombisa kuthi ngemva kwalo kuleqembu le Chicken Inn elilemiklomelo elitshumi lesithupha lona lilandelwa ngele Shabanie Mine elilemiklomelo elitshumi lanhlanu.
Endaweni yethoba munwe munye kuleqembu le FC Platinum elilemiklomelo elitshumi lane njalo lilingene ngemiklomelo leqembu le Chapungu lele Buffaloes. Emsileni wengalane kulamaqembu agoqela athi ele Black Rhinos, ele Bantu Rovers, ele Triangle, ele Harare City kanye lele Chiredzi.

********************************
Kolunye udaba olumayelana lomdlalo wenguqu;
Imidlalo iqhubekela phambili kumncintiswano wezizwe zomhlaba oqhutshelwa kwele Brazil kulezinsuku njalo lamhla ebusuku kulemidlalo emibili egoqela amaqembu amele izwekazi leAfrica.

Lawa maqembu ngathi ele Nigeria lona elizangqikilana lele Iran kanye lele Ghana elizadlala lele Melika.

Imidlalo yalawa maqembu izalandela ozakuba phakathi kwe Germany le Portugal wona okhangelelwe ngabalandeli abanengi bomdlalo wenguqu ngoba womabili lawa maqembu kungamanye akhangelelwe ukuba engaphakamisa isicoco ekupheleni kwemidlalo.

Amanye amazwe amele izwekazi le Africa kulimidlalo aseke adlala ngathi iCameroon yona enqotshwe nge 1 ka nya ngele Mexico kanye le Ivory Coast yona enqobe Ijapan nge 2 ka 1 ikanti iqembu le Algeria lona lizadlala lele Belgium emdlalweni walo wakuqala.

**************************

Sikhangele umdlalo wokugijima;
Abadlali base Zimbabwe behlulekile ukubamba izikhathi ezidingakalayo ukuze bathole ilungelo lokuyancintisa emncintiswaneni eyezwekazi lase Africa ezaqhutshelwa elizweni lase Morocco ekupheleni komnyaka kanye leyabasakhulayo abaphuma emhlabeni jikelele ozakuba seMelika.

Lababadlali bebencintisa kumjaho we National Athletics Association of Zimbabwe oqhutshelwe ekolitshini leNust ngempelaviki edluleyo.
Limidlalo ingenwe ngabadlali abavele kuzo zonke izigaba zelizwe leZimbabwe kanye labadlali abevele elizweni le Botswana.

Abaqoqe limidlalo bebekhangelele ukuba kubekhona abadlali abaphuma emazweni atshiyeneyo angcelezelane lelizwe leZimbabwe kodwa akusabanga njalo.
XS
SM
MD
LG