amalinks wokungena

Breaking News

I-Renewal Team Ilungiselela Ukumanyana leMDC-N


MDC Ncube

IRenewal Team ibikwa isaba kutsha izikhundla zayo ngenjongo yokutshiyela ezinye amalunga eMDC ekhokhelwa nguMnu. Welshman Ncube.

Icele leMDC-T elizibiza ngokuthi yi Renewal Team koBulawayo seliqalisile ukulungisa amalunga azakhokhela ezigabeni zalo emalokutshini, amadistricts, kulandela ukwabiwa kutsha kwezikhundla zamalunga ekhomithi enkulu yalelibandla i-provincial executive committee ngeNsonto edluleyo.

Ibandla leli libikwa lisaba kutsha lezizikhundla ngenjongo yokuthi litshiyele ezinye amalunga ecele leMDC elikhokhelwa ngusikhwicamfundo uMnu. Welshman Ncube, njalo amabandla la akhangelelwe ukuba lomhlangano omkhulu owecongress ngomnyaka ozayo esemanyene.

UMnu. Kucaca ulokhu engumgcinisihlalo walelibandla koBulawayo, esekelwa nguMnu. Michael Gora. Amanye amalunga alikhomithi asephethe izikhundla ezitshiyeneyo ngoMnu. Desire Moyo, Thamsanqa Ncube, usikhwicamfundo Philani Moyo, kanye loNkosikazi Lilian Mlilo.

UMnu. Edwin Ndlovu, osukwe kusikhundla sokuba ngumsekeli kamgcinisihlalo wabekwa kwesokuba yisikhulumi sesigaba sakoBulawayo kuRenewal Team, utshele uSithandekile Mhlanga weStudio 7 ukuthi ibandla lakhe libaphakathi kokuqoqa isigaba sePhumula.

Ingxoxo LoMnu. Edwin Ndlovu
please wait

No media source currently available

0:00 0:02:28 0:00
Lapho esitholakala khona

XS
SM
MD
LG