amalinks wokungena

Breaking News

Uhulumende Lokhe Edingisisa Ngesidumbu Esitholakale Endizamtshineni


Indizamtshina yeMelika etholakal ilesidumbu egcekeni lendizamtshina ele Harare International Airport

Uhulumende weZimbabwe lokhe ephakathi kwemizamo yokudingisisa ukuthi isidumbu esitholakale endizamtshineni yenkampani yeMelika ebivela eGermany isiya eZansi Africa ithwele njalo amaquba quba emali, sifike njani njalo imbangela yemfa kuyini, osokucatshangelwa ukuthi ngesomuntu obengene wacatsha efuna ukuya eSouth Africa wasesifa ngenxa yomumo walapho akade ecatshe khona endizamtshineni.

Lanxa nje lokhu kungakacaci ukuthi umuyi ngubani wakuliphi ilizwe, isidumbu sibikwa sesithethwe ukuyahlolisiswa imbangela yokufa lapho okucatshangelwa ukuthi imfa ibe ngumumo omubi walapho umuyi ebecatshe khona endizamtshineni.

Kukhangelelwe ukuthi amapholisa akhulule akade betshayela lindizamtshina kanye lezinye izisebenzi zakhona ngemva kokuthatha izitathimente zabo.

Esinye isisebenzi sogatsha lobudlelwano lamanye amazwe, sithi imali ebikwa isendizamtshineni le ayisuswanga ilokhu iphakathi njalo uhulumende weZansi Africa ubikwa ethe uzathumela enye indiza ukuzayithatha.

Ummeli weSouth Africa eZimbabwe, uMnumzana Vusi Mavimbela uvumile ukuthi ngempela indizamtshina le ibithwele impahla yelizwe lakhe ivela eGermany isiya eThekwini, kulelo lizwe.

Isikhulumi samapholisa, uAssistant Commissioner Charity Charamba, uthi minengi imbuzo edinga ukuphendulwa kungakho basaxwayisisa bangathola impendulo bazakutsho. Ethi kunzima ngoba kuxwayisiswa kumbaxa ezitshiyeneyo ngoba kulabantu abanengi kanye labohulumende abatshiyeneyo abaphatheke kuloludaba okwenza kubenzima ukuthola impendulo.

Ass. Commissioner Charity Charamba
Ass. Commissioner Charity Charamba

"Kumele linanzelele ukuthi akulula, kulokhu kuxwayisisa kulendawo ezinengi ezidinga ukucubungulwa, lembuzo eminengi edinga ukuphendulwa. Njengamapholisa, labanye abadinga ukucubungula loludaba, kulembaxa ezinengi ezidinga ukuxwayisiswa. Amapholisa ayaxwayisisa, angathola impendulo, azakutsho".

Indizamtshina le ibikwa ingeyenkampani yeGlobal Airlines. Isuke eGermany ngoMgqibelo ntambama ilubhekise eThekwini. Yama inathisa amafutha ephethulo kodwa yalelwa ukusukuma ukuze iqhubeke ngohambo ngamapholisa ngemva kokufunyanwa ithonta igazi yizisebenzi ze Harare International Airport.

please wait

No media source currently available

0:00 0:02:15 0:00
Lapho esitholakala khona

XS
SM
MD
LG