amalinks wokungena

Breaking News

Esigabeni SabeZimbabwe Asebehlala Emazweni Sixoxa loMnu. Phillip Sibanda


Umnumzana Philip Sibanda ohlala eManchester eBhilithani obuthanisa izembatho zokweabela abaswelayo eZimbabwe lapho adabuka khona.

Kuliviki esigabeni sethu lapho esikhangela impilo yezizalwane zeZimbabwe esezihlala kwamanye amazwe umsakazo weStudio Seven uxoxa lomnumzana Phillip Sibanda yena osehlala eManchester kweleBhilithane.

Umnumzana Philip Sibanda esabela abantu izembatho
Umnumzana Philip Sibanda esabela abantu izembatho

USibanda ubuthanisa impahla ezindala ezigoqela izigqoko, izichathulo lokunye okokusebenzisa loba okudlaliswa ngabantwana okunjengamatoys, abe esiyakwabela abantwana, intandane, izihlobo labangane abaswelayo eZimbabwe.

Uqhubeke ethi yena uqale lolu hlelo eminyakeni ethile edluleyo ecela kubomakhelwane bakhe abelungu khonale eManchester izigqoko zabo ezindala ikakhulu amajesi, izichathulo lokunye ukuze ayekwabela abantwana babangane bakhe athi esethekelela ekhaya okwakuqala ngemva kweminyaka esukile wafumana inengi labo selifile litshiya abantwana bezintandane.

Abantwana besamukela izigqoko ezibuthaniswe ngumnumzana Philip Sibanda
Abantwana besamukela izigqoko ezibuthaniswe ngumnumzana Philip Sibanda

"Ngaba lokudana okukhulu kubona abantwana babangane bami behamba ngenyawo besiya esikolo ngesikhathi somqando bengela zigqoko ikantike ngasemazweni abantu balezigqoko ezinengi ezinye abangazisebenzisiyo lokuzisebenzisa, ngasengikubona kufanele ukuthi ngizibuthanise ngiyebanika labo basizakale"

Okwakhathesi soluqelile lolu hlelo uthi uSibanda sowaze waba lesikolo sentandane esilabantwana abedlula amakhulu amane akhetha ukubancedisa ngokubaphathela izembatho lokunye.

Ingxoxo lomnumzana Phillip Sibanda obuthanisa impahla zokwabela abaswelayo
please wait

No media source currently available

0:00 0:08:51 0:00
Lapho esitholakala khona

XS
SM
MD
LG