amalinks wokungena

Breaking News

Isigaba seKariba leseHurungwe Sezivaliwe Ngenxa Yokumemetheka kweCovid-19


Wilkins Hospital - Preparation for Covid 19 Vaccination

Uhulumende ngoMgqibelo uvale isigaba seKabira leseHurungwe eziseMashonaland West ngoba esithi umkhuhlane weCovid-19 usumemetheka kakhulu kulezondawo.

Ugatsha lwezempilakahle lwazise ukuthi izigaba lezi zizavalwa okwamaviki amabili kulandela ukufunyanwa kwabantu abedlula amatshumi amane phakathi kwensuku ezintathu ezedluleyo belomkhuhlane lo.

Luthi njalo abantu abangahlali kulezizigaba abasoze bavunyelwe ukuzethekelela.

Uhulumende uthethe amanyathelo afanayo eKwekwe kumaviki amathathu edluleyo kulandela ukutholakala komkhakha weCovid-19 odabuke kweleIndia kulelodolobho.

Umphathintambo wezempilakahle uMnu Constantino Chiwenga ukhangelelwe ukwethula umbiko oqakathekileyo ophathelane lokwenqabela lumkhuhlane ntambama ngoMgqibelo.

I-coronavirus isimemetheka kakhulu kulezinsuku nanku izolo kutholakale abantu abangamakhulu phose amabili, 192, belawo njalo kwafa abathathu.

Uhlelo lokuhlatshwa kwabantu ijekiseni yokuvikela lumkhuhlane lukhanya lusadalala lalo ngenxa yokusilela kwamajekiseni.

Abahlatshwe ijekiseni yakuqala izolo bangamakhulu phose ayisitshiyangalombili, 799, kuthi abahlatshe eyesibili bazinkulungwane ezedlula eziyisithupha, 6,549.

Asebehlatshwe ijekiseni yakuqala bonke sebengu691,251 kuthi asebehlatshwe eyesibili sebengu405,603.

Isiphathamandla senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi lanxa uhlelo lokuvalwa kweHurungwe leKariba lulungile, uhulumende kumele athathe amanye amanyathelo atshiyeneyo ukuze kwenqatshelwe lumkhuhlane.

please wait

No media source currently available

0:00 0:02:05 0:00

Facebook Forum

XS
SM
MD
LG