Isigodlo sikahulumende weZimbabwe esiseSouth Africa sithi siyakhathazeka ngokuhlukuluzwa kwabavela elizweni laso abahlala eSouth Africa njalo sibaxwayisa ukuthi behlale beqaphele futhi belandele imthetho leziqondiso zalelolizwe.
Embikweni owethulwe izolo kusihlwa, isigodlo lesi sithi labo abalencwadi ezibavumela ukuhlala eSouth Africa kuze kuyephela umnyaka-lo kufanele ukuthi ngabe baphakathi kokulungisa ezinye njalo ingwalo njengokutsho kukahulumende walelolizwe.
Umbiko lo uqhubeka usithi uhulumende weZimbabwe uphakathi kokukhulumisana loweSouth Africa ngaloludaba ngenhloso yokuthi abavela elizweni lakhe baphephe.
Ukuhlaziya loludaba, uSithandekile Mhlanga weStudio 7 uxoxe loMnu. Vusumuzi Sibanda, isiphathamandla senhlanganiso yeAfrica Diaspora Forum.
