BULAWAYO —
Ingcitshi kwezemfundo sezikhuthaze uhulumende ukuthi akhangelisise indlela okufundwa ngayo, adinge amacebo azakwenza ukuthi abafundi bathole izifundo ezimqoka ngesikhathi esifitshane ngoba inengi labazali alilayo imali yokubhadalela abantwana ukuthi bahlale ezikolo okweminyaka eminengi.
Ekhuluma emhlanganweni wokukhangela ukuqhutshwa kwezemfundo kuleli, owake wafundisa njalo elilunga le National Advisory Board, uNkosikazi Mary Ndlovu, uthi inengi labazali alenelisi ukubhadalela abantwana okweminyaka eminengi okwenza abafundi baphelele endleleni ngenxa yamabanga amanengi ezikolo.
Uthi ilizwe selaqakathekisa ukuthi abantwana bahlale esikolo iminyaka eminengi kungakhathalekile ukuthi abakufundayo kulesisindo esinganani.
Wengeze esithi kungabangcono nxa kungehliswa inani leminyaka yesikolo kanye lamaviki ekhefu emnyakeni ukuze abantwana bafunde okwesikhathi esifitshane, okungehlisela abazali indleko.
Uthi ugatsha lwezemfundo lungakhangela ukuthi amanye amazwe angela mali aphatha njani loludaba ukuze kungagijinyiswa ukuhlaliswa kwabantwana esikolo isikhathi eside kungelamfundo ebambekayo abayitholayo.
Ongene lumhlangano, uNkosikazi Margret Ndawana, uthi kuqakathekile ukuthi kukhangelwe indlela abantwana abafundiswa ngayo kanye lemihloliso abayibhalayo kulandela ukukhonona okwabakhona kulandela umhloliso wesiNdebele wabafundi bebanga lesikhombisa.
Uthi inengi imali ehlawulwa ngabazali ukuze abantwana bafunde kungakho nxa kungaba lendlela yokuphungula iminyaka kodwa abantwana belokhu befunda izifundo zonke ezaneleyo kungaba kuhle.
Umhlangano lo ubuqoqwe yinhlanganiso yabatsha iNational Youth Forum, kuxoxiswana lozulu ngendlela zokuthuthukisa ezemfundo.
Inengi labantwana kuleli liyangena esikolo kodwa abanye abafundi batshiyele endleleni ngenxa yokuswela imali kumbe izikolo ezikhatshana ikakhulu emaphandleni.
Ekhuluma emhlanganweni wokukhangela ukuqhutshwa kwezemfundo kuleli, owake wafundisa njalo elilunga le National Advisory Board, uNkosikazi Mary Ndlovu, uthi inengi labazali alenelisi ukubhadalela abantwana okweminyaka eminengi okwenza abafundi baphelele endleleni ngenxa yamabanga amanengi ezikolo.
Uthi ilizwe selaqakathekisa ukuthi abantwana bahlale esikolo iminyaka eminengi kungakhathalekile ukuthi abakufundayo kulesisindo esinganani.
Wengeze esithi kungabangcono nxa kungehliswa inani leminyaka yesikolo kanye lamaviki ekhefu emnyakeni ukuze abantwana bafunde okwesikhathi esifitshane, okungehlisela abazali indleko.
Uthi ugatsha lwezemfundo lungakhangela ukuthi amanye amazwe angela mali aphatha njani loludaba ukuze kungagijinyiswa ukuhlaliswa kwabantwana esikolo isikhathi eside kungelamfundo ebambekayo abayitholayo.
Ongene lumhlangano, uNkosikazi Margret Ndawana, uthi kuqakathekile ukuthi kukhangelwe indlela abantwana abafundiswa ngayo kanye lemihloliso abayibhalayo kulandela ukukhonona okwabakhona kulandela umhloliso wesiNdebele wabafundi bebanga lesikhombisa.
Uthi inengi imali ehlawulwa ngabazali ukuze abantwana bafunde kungakho nxa kungaba lendlela yokuphungula iminyaka kodwa abantwana belokhu befunda izifundo zonke ezaneleyo kungaba kuhle.
Umhlangano lo ubuqoqwe yinhlanganiso yabatsha iNational Youth Forum, kuxoxiswana lozulu ngendlela zokuthuthukisa ezemfundo.
Inengi labantwana kuleli liyangena esikolo kodwa abanye abafundi batshiyele endleleni ngenxa yokuswela imali kumbe izikolo ezikhatshana ikakhulu emaphandleni.