Umeli weMelika eZimbabwe uAmbassador Charles Ray uthi ibutho yilo eseliphethe intambo zombuso, esithi uMongameli Mugabe seyisiphamaso nje kuphela.
Ekhuluma lentathelizindaba koBulawayo ngoLwesine, uMnu Ray uthe abebutho abafana loConstantine Chiwenga loDouglas Nyikayaramba asebephume mgceke ukuthi bangamalunga ebandla leZanu PF kumele baxotshwe umsebenzi.
Wengeze wathi ukusuka kukaMugabe embusweni akusoze kulethe inguquko kwezombusazwe ngoba sowemukwa intambo zombuso libutho.
Kulembiko ephume ebulenjini ethi abakhokheli bebutho bangaba beqoqa ukufaka uChiwenga esikhundleni sikaMugabe nxa engasuka embusweni.
Okwamanje abantu abakhangelelwe ukubana bathathe isikhundla sikaMugabe nguNkosikazi Joice Mujuru loMnu Emmerson Mnangagwa.
Umkhokheli weZanu PF edale lephalamende uMnu Joram Gumbo uthe ingamanga imbiko kaRay.
