Intengo yempahla ezitolo iqhubeka iqansa. NgoMvulo inhlanganiso yabachola amabele, eye Grain Millers’ Association yethule umbiko othi intnego yempuphu le flour izakhwela kulandela ukungamanga kuhle kwesisindo semali yohlobo lwe bond.
Linhlanganis ithi impuphu yesisindo se five kilograms isizakuba yi $9.60 kuthi iflour eyisisindo se 50 kilograms izakuba yi $189.70.
Isawudo eliyisindo se two kilograms selizakuba yi $4.25. Irice layo isikhwezwe intengo eyisisindo se two kilograms isiyi $13.98.
Isikhulumeli senhlanganiso elwela ilungelo labathengi, eye Consumer Council of Zimbabwe esigabeni se Matababeleland, uMnu. Comfort Muchekeza utshele iStudio Seven ukuthi ngenxa yokukhwela mahlayana kwempahla ezitolo abathengi kumele baqale badingisise lapho okuyabe kuthengiswa ngentengo enganeno bengakathengi.