WASHINGTON —
Inkampani ye Old Mutual eyiyo eyaba imali yohlelo lwe DIMAF olokuvuselela amafekithali elizweni ithi isiboleke amankampani atshiyeneyo imali efika kuzigidi ezingamatshumi amabili -$20million phakathi kwezigidi ezingamatshumi amane-$40 million.
Inengi lamankampani liyakhonona ngokuthi aliyifinyeleli limali ngoba kulemigoqo eminengi.
Kodwa uMnu. Jonas Mushosho, isiphathamandla se Old Mutual utshele umsakazo kahulumende ngolweSibili ukuthi abangafinyeleli limali ngabehluleka ukuletha inhlelo ezilohlonzi amaproject proposals.
Ugcizelele ukuthi isikhwama lesi akufanelanga sincedise amafekithali akoBulawayo kuphela kodwa awelizwe lonke.
Kodwa uMnu. Welshman Ncube umphathintambo wezamafekithali utshele iStudio 7 ukuthi uhulumende wakubeka sobala ukuthi imali yokuqala yalesisikhwama ngeyokuvuselela amafekithali akoBulawayo.
Ukuhlaziya loludaba, sixoxe loMnu. Bulisani Ncube, owayeyisiphathamandla seZimbabwe National Chamber of Commerce (ZNCC) eMatabeleland.
UMnu. Ncube utshele uSithandekile Mhlanga weStudio 7 ukuthi amankampani akoBulawayo alokhu evalwa njalo lezisebenzi zilahlekelwa yimisebenzi.
Inengi lamankampani liyakhonona ngokuthi aliyifinyeleli limali ngoba kulemigoqo eminengi.
Kodwa uMnu. Jonas Mushosho, isiphathamandla se Old Mutual utshele umsakazo kahulumende ngolweSibili ukuthi abangafinyeleli limali ngabehluleka ukuletha inhlelo ezilohlonzi amaproject proposals.
Ugcizelele ukuthi isikhwama lesi akufanelanga sincedise amafekithali akoBulawayo kuphela kodwa awelizwe lonke.
Kodwa uMnu. Welshman Ncube umphathintambo wezamafekithali utshele iStudio 7 ukuthi uhulumende wakubeka sobala ukuthi imali yokuqala yalesisikhwama ngeyokuvuselela amafekithali akoBulawayo.
Ukuhlaziya loludaba, sixoxe loMnu. Bulisani Ncube, owayeyisiphathamandla seZimbabwe National Chamber of Commerce (ZNCC) eMatabeleland.
UMnu. Ncube utshele uSithandekile Mhlanga weStudio 7 ukuthi amankampani akoBulawayo alokhu evalwa njalo lezisebenzi zilahlekelwa yimisebenzi.
