WASHINGTON DC —
Intengo yamafutha ezimota, yona ekhwele mhlaka 5 ngenyanga edluleyo, isikhwelile njalo kusukela namuhla.
Ugatsha lweZimbabwe Energy Regulatory Authority (ZERA) lwazise izolo ukuthi i-liter eyodwa yedizili ebithengiswa ngeUS$1.27 isithengiswa ngeUS$1.32, okutsho ukuthi ikhwele ngama-cents amahlanu.
Iphethulo yona ebibiza iUS$1.26 nge-liter ikhwele ngama-cents amane yaya kuUS$1.30.
Ingcwethi kwezenotho zithi lokhu kulakho ukubangela ukukhwela kwentengo yezinto ezitolo.