amalinks wokungena

Breaking News

Kambe Isiko Lokulobola Lingemuva Kwesikhathi Na, Loba Hatshi?


Umbuthano wokukhipha amalobolo

Kuhlelo oluqondane labesifazana kuLivetalk olwe "Asiyihluzeni Bomama" kuStudio 7, ngoLwesine, udaba egudwini obe luhlaziywa bekungamalobolo ukuthi kambe lumkhuba kumbe leli siko selingemuva kwesikhathi na, loba hatshi?

IStudio Seven ixoxisane labesifazana abanengi ngocingo besipha imbono yabo ngalolu daba.

Abanye bebesithi kawesulwe amalobolo ngoba enza owesifazana abe yisigqili somkakhe esithi yena wakhipha amaqubaquba email zokulobola njalo kudala udlakela lokuhlukuluzana ezindlini iDomestic Violence.

Udlakela lokuhlukuluzana ezindlini iDomestic Violence
Udlakela lokuhlukuluzana ezindlini iDomestic Violence

Kodwa abanye besithi lihle leli siko kodwa okumele kunanzelelwe yikuthi kakumelanga kubizwe amalobolo aphezulu kakhulu ngoba leli kulisiko elijonge ukumanyanisa imuli ezimbili hatshi ukunothisa abazali abenza angani sebethengisa abantwababo.

UPraxedes Jeremiah weStudio Seven uxoxe lonkosikazi Samukelisiwe Ndlovu-Tongoona othi leli lisiko elihle kakhulu eliletha ukuhloniphana endlini, elitshengisa uthando phakathi kwabantu ababili abazinikela ukuhlala bonke, eliphanjaniswa nje ngabantu ababiza imali ephezulu kakhulu abanye beze bebiza izimotha kumbe omakhalekhukhwini bangalezi nsuku ama smart phones.

“Kulabanye engibaziyo ababalandwa ngabakhwenyana belesifiso sokulobola, ababiza ukangaziyo owethusayo ongangenkulungwane ezimbili zamadollar. Ngokuzwa imali engako abakhwenyana bacina bevalelisa bathi yekela bake bayaqoqana njalo, kwahle kwaba yikucina ukubabona. Phinde babuye njalo ukuzolobola kwahle kwaba yikuphela komendo womntwana ayekade ewukhangelele”, kutsho unkosikazi Ndlovu-Tongoona.

Ingxoxo yokukhitshwa kwamalobolo loNkosikazi Samukelisiwe Ndlovu-Tongoona
please wait

No media source currently available

0:00 0:02:24 0:00
Lapho esitholakala khona

XS
SM
MD
LG