amalinks wokungena

Breaking News

Isilinganiso Sokugugudeka Komnotho Siyehla Kodwa Intengo Yempahla Iyakhuphuka


Izicathulo ezitolo.

Lanxa isilinganiso sokugugudeka komnotho esaziwa ngokuthi yi-inflation sehlile ngesilinganiso sokuphansi kokunye ekhulwini - 0.43 percent - inhlanganiso ebona ngelungelo labathengi, eye Consumer Council of Zimbabwe ithi lokhu akutsho ukuthi sokulobubelo kuntengo yempahla.

Ugatsha lwe Zimbabwe Statistics Agency luthi intengo yempahla kayikhuphukanga njengalokho okade kucatshangelwa.

Kodwa linhlanganiso ithi imithelo yezindlu, intengo yamafutha emote lokunye, ikhuphukile.

Okunye okwenze isilinganiso se inflation sehle yikuswelakala kwemali emabhanga.

Umgcinisihlalo walinhlanganiso esigabeni seMaNdebeleni, uMnu. Comfort Muchekeza, uthi uzulu uthwele nzima ngoba intengo yempahla ikhuphuka imihla lemihla.

"Nxa iinflation yehlile esikhathini esinengi abathengi abakhangeleli ukuthi intengo iyehle bakhangelela ukuthi intengo yehle," kutsho UMuchekeza.

Uthi njalo imali esifunakala ukondla imuli elabantu abayisithupha, ibread basket ngeSilungu, isikhuphukile.

Uthi sokufunakala imali edlula amakhulu amahlanu - $500 - ukuthenga okumqoka kuphela empilweni.

"Abantu abanengi abenelisi ibasket leyi nxa kungakhangelwa iholo labo ngoba abanengi belokhe bephila phansi kwe poverty datum line (isilinganiso sobuyanga)," kutsho uMuchekeza.

please wait

No media source currently available

0:00 0:03:54 0:00

Facebook Forum

XS
SM
MD
LG