Isinkwa eZimbabwe sibikwa silakho ukusilela ngenxa yokuswelakala kwe flour kanye lenhlupho ezibhekane lamafekithali asiphekayo ayehluleka ukuthola imali yokuthenga imitshina yokusipheka.
Amankampani anjenge Lobels Holdings lamanye apheka isinkwa amancane asethwele nzima ngokuswela imali okungenza ukuthi iLobels ese Harare, esisezandleni zabantu abambalwa ababekubutho, ibhidlike.
Okwamanje ifekithali epheka isinkwa eye Lobels eseHarare ibikwa isivaliwe kanye le nkampani ye Superbake osokwenze ukuthi kubelokusilela kancane kwesinkwa edolobheni lelo.
Emadolabheni anjenga koBulawayo isinkwa lokhe sitholakala njengoba inkampani ye Lobels elabanikazi bakuleyo ndawo lamanye anjenge Bakers Inn ye Innscor Africa Holdings elokhe esipheka.
Isakhamuzi se Mpopoma uMnu. Mpumelelo Dube uthi uzulu uzathwala nzima nxa isinkwa singasilela lakoBulawayo.
