amalinks wokungena

Breaking News

Umthethwandaba WeSupreme Court Uthabisa UBishop Gandiya


Zimbabwe's excommunicated Anglican Bishop Nolbert Kunonga in 2003 (file photo).
Zimbabwe's excommunicated Anglican Bishop Nolbert Kunonga in 2003 (file photo).

ISupreme Court inqume ukuthi uBishop Gandiya nguye umkhokheli oqotho weAnglican kanye lomnini wempahla zonke zalelibandla

Umthethwandaba we Supreme Court ngoMvulo unqume ukuthi uBishop Chad Gandiya okhokhela elinye icele lenkonzo yeAnglican eHarare nguye umkhokheli oqotho walelibandla njalo icele lakhe yilo elilelungelo lokusebenzisa impahla zalelibandla.

UBishop Gandiya utshele iStudio 7 ukuthi kumele uBishop Nolbert Kunonga, okhokhela elinye icele, njalo onguye obesebenzisa impahla zonke zalelibandla, aphendlele icele lakhe indawo kuzakhiwo zalinsonto kungakafiki impelaviki.

Ibandla leli ladabuka phakathi ngomnyaka ka 2007 lapho uBishop Kunonga aphikisana lesinqumo salelibandla esokuthi izitabane zivunyelwe ukukhokhela linkonzo.

Lanxa uBishop Kunonga waxotshwa yisigodlo salelibandla, wathola imvumo emthethwandaba ophezulu ukuthi aqhubeke esebenzisa impahla yalelibandla, egoqela izikolo, amakilinika, kanye lezindlu zokukhonzela.

Amalunga elinye icele athi axotshwa kulezimphahla nguBishop Kunonga esekelwa ngamapholisa, njalo akhweza loludaba emthethwandaba.

Isikhulumi sikaBishop Kunonga, uBishop Alfred Munyanyi utshele iStudio 7 ukuthi uzethula umbono webandla lakhe ngaloludaba ngolweSibili sebehlolisise ngokupheleleyo isinqumo somthethwandaba.

UMnu. John Masuku okhonza kulinsonto, ekucele elikhokhelwa nguBishop Gandiya, utshele uSithandekile Mhlanga weStudio 7 ukuthi bayajabula ngalesi sinqumo njalo bazakuthi gwaqa ngoMvulo ntambama beqhube umkhuleko wokubonga isinqumo somthethwandaba weSupreme Court lesi.

please wait

No media source currently available

0:00 0:01:52 0:00
Lapho esitholakala khona
XS
SM
MD
LG