amalinks wokungena

Breaking News

Isiphathamandla seZanu PF Sibotshelwa Ukweba Inkomo Zabamhlophe


Umnu. Themba Mliswa unobhala wezomhlabathi kubandla le Zanu PF esabelweni se Mashonaland West ubotshiwe ecatshangelwa ukuthi weba inkomo zabamhlophe ezizinkulungwane ezintathu kanye lemitshina yokulima ngesikhathi uhulumende ethathela abamhlophe amapulazi.

U Mliswa ubebotshwe ngeviki ephelileyo esetheswa icala lokuthatha ngodlame inkampani yomhlophe eHarare elo Mnu Martin Mutasa indodana kaMnu. Didymus Mutasa umphathintambo osebenzela ewofisini kaMongameli Robert Mugabe.

Okwamanje wetheswa amacala aphezu kwamatshumi ayisikhombisa okweba ngokuqila abamhlophe.

Amagqwetha kahulumende athi uMnu. Mliswa ucatshangelwa ukuthi wayethatha impahla yabamhlophe emapulazini esithi ulakho ukuthi ukwenqabela ukuthathwa kwamapulazi abo nguhulumende kodwa yena abesetshayela esikhewini yonke imali athengisa ngayo imitshina le nkomo.

U Mliswa ubikwa evalelwe eHarare Central Police Station lapho okukhanya amapholisa alokhe edingisisa amanye njalo amacala afanayo.

Umnu. Max Mnkandla omunye wabalwa impi yenkululeko ekuvuyo lebutho ele Zimbabwe People’s Revolutionary Army njalo ongumqondisi wenhlanganiso ye Zimbabwe Liberators Peace Forum utshele uGibbs Dube we Studio 7 ukuthi banengi abalandeli bebandla le Zanu PF abaqambula uhlelo lokwaba umhlabathi ngokweba impahla yabamhlophe.

XS
SM
MD
LG