BULAWAYO —
Amaqembu enguqu azadlala ku final yenkezo eye Mbada Diamonds athi iHow Mine kanye le Highlanders avakatshele indawo ehlala intandane eye Thembiso Children’s home kanye legcina asebekhulile eye Ekuphumuleni Old People’s Home ngoLwesihlanu lapho abaphe izipho kulabo abahlala kulezondawo.
Abahlala endaweni ye Ekuphumuleni Old People’s Home bacule ingoma bedumisa umdali ngemva kokuphiwa izipho ezivele kunhlanganiso ye Mbada Diamonds namhla ekuseni.
Lindawo inanzwe ndawonye legcina intandane eye Thembiso Children’s home eselokitshini leMakhandeni yinkampani ye Mbada Diamonds yona okuyiyo eqoqa umncintiswano wenguqu owe Mbada Diamonds Cup ozafika emaphethelweni ngoMgqibelo edolobheni lako Bulawayo.
Isiphathamandla se Mbada Diamonds uNkosazana Charity Moyo utshele lumsakazo ukuba lokhu kuyingxenye yohlelo lwenkampani yakhe eyokunanza abaswelayo.
Lezindawo zithole okudliwayo lengubo zokwembatha njalo isiphathamandla sendawo ye Ekuphumuleni uSithabile Maseko ubonge kakhulu esithi lolusizo lufike ngesikhathi esihle.
Abadlali bamaqembu athi i Highlanders lele How Mine yibo abakade beqhubela abahlali be Thembiso le Ekuphumuleni impahla lezi.
Lawa maqembu azadibana kuFinal yenkezo yeMbada ngoMggqibelo njalo iqembu elizanqoba lizathola inkulungwane ezilikhulu lamatshumi amathathu ($130 000) kuthi elizanqotshwa lizathola inkulungwane ezingamatshumi ayithobamunwe munye.
Abahlala endaweni ye Ekuphumuleni Old People’s Home bacule ingoma bedumisa umdali ngemva kokuphiwa izipho ezivele kunhlanganiso ye Mbada Diamonds namhla ekuseni.
Lindawo inanzwe ndawonye legcina intandane eye Thembiso Children’s home eselokitshini leMakhandeni yinkampani ye Mbada Diamonds yona okuyiyo eqoqa umncintiswano wenguqu owe Mbada Diamonds Cup ozafika emaphethelweni ngoMgqibelo edolobheni lako Bulawayo.
Isiphathamandla se Mbada Diamonds uNkosazana Charity Moyo utshele lumsakazo ukuba lokhu kuyingxenye yohlelo lwenkampani yakhe eyokunanza abaswelayo.
Lezindawo zithole okudliwayo lengubo zokwembatha njalo isiphathamandla sendawo ye Ekuphumuleni uSithabile Maseko ubonge kakhulu esithi lolusizo lufike ngesikhathi esihle.
Abadlali bamaqembu athi i Highlanders lele How Mine yibo abakade beqhubela abahlali be Thembiso le Ekuphumuleni impahla lezi.
Lawa maqembu azadibana kuFinal yenkezo yeMbada ngoMggqibelo njalo iqembu elizanqoba lizathola inkulungwane ezilikhulu lamatshumi amathathu ($130 000) kuthi elizanqotshwa lizathola inkulungwane ezingamatshumi ayithobamunwe munye.
