amalinks wokungena

Breaking News

Umqondisi weShabanie Mines Uthwaliswa Nzima yiKhomidi yeDale Lephalamende


Ikomidi yedale lephalamende ebona ngezemigodi ithi uMnu. Arafas Gwaradzimba owakhethwa nguhulumende ukuthi abengumqondisi we Shabanie Mashaba Mines unakanelwa ukuthi wathenga amashares kumankampani eBhilithane ngezigidi ezimbili zamadola eMelika kungelamvumo.

Umnu. Heya Shoko omele iBikita West edale lephalamende njalo ekukomidi le uthi uMnu. Gwaradzimba, omiswe phambili kwe komidi le ebuzisiswa ngokwenzakala kunkampani le, wabambisana labanye abaqondisi be Shabanie Mashaba Mines ekuthengeni amashares la loba nje inzuzo yawo ilokhe ingakatholakali.

Umnu. Shoko uphinde wathi lokhu kwenzakala ngesikhathi inkampani le ingenelisi ukubhadala izisebenzi njalo isehluleka ukwemba i asbestos.

Umnu. Roderick Fayayo ingcwethi ecubungula ezombusazwe utshele uGibbs Dube we Studio 7 ukuthi uMnu. Gwaradzimba kumele abophe imtshaqana yakhe asibathele ngoba sowabhidliza imigodi ka Mnu. Mutumwa Mawere.

XS
SM
MD
LG