Isithunywa somthethwandaba sesibambe izindlu ezinhlanu zebhanga elikhulu lelizwe iReserve Bank of Zimbabwe okumele zithengiswe ukwenzela ukubhadala isikwelede seFarmtec Supplies and Implements sezigidi ezimbili lanye zamadollar eMelika (U$2.1 million).
UMnumzana Davison Kanokanga, igqwetha elimele inkampani le eyathengisela iRBZ amathalakitha angamatshumi ayisithupha engenelisanga ukuwabhadalela, uthi impahla le izathengiswa nxa ibhanga leli lingelampahla ethwalekayo engabanjwa ngumthethwandaba.
Lobanje u Kanokanga engaphumelanga egcekeni ukuthi izindlu zingaphi njalo ziyimalili, abakwaziyo ngaloludaba bathi zise Harare, Mutare kanye leKariba.
Inkampani yeFarmtec kwakumele ithengele iRBZ amathilakitha angamatshumi ayisitshiyagalolunye kodwa yenelisa ukuthola angamatshumi ayisithupha kuhlelo lweFarm Mechanization and Agricultural Support Enhancement Facility olwalusekelwa yilelibhanga lebandla le Zanu PF.
UMnumzana. Job Sibanda, ingcwethi ecubungula ezemithetho ephathelane lezezikwelede, utshele uGibbs Dube weStudio 7 ukuthi kulihlazo ukuthi iRBZ yehluleke ukubhadala isikwelede.
Isithunywa Somthethwandaba Sibamba Einye Njalo Impahla YeRBZ Zokuvala Isikwelede seFarmtec
- Gibbs Dube
