Isithunywa somthethwandaba izolo sibambe impahla ye Air Zimbabwe ukwenzela ukubhadala izikwelede zezisebenzi ezedlula ingxenye yesigidi samadola emelika.
Iphephandaba le Herald libika ukuthi isithunywa lesi sibambe amabhasi amathathu singakamiswa ngabaqondisi benkampani le ukubamba eyinye impahla ye Air Zimbabwe ebalisa izimota ezedlula amatshumi amahlanu, izigayo kanye lemtshina yokulungisa amabhawudo endizamtshina.
Idale le High Court linike izisebenzi imvumo yokuthi zithengise impahla ye Air Zimbabwe ukwenzela ukuthi zibhadalwe iholo okwakumelwe zilithole ngomnyaka ophelileyo.
Ingcwethi yezomthetho wezisebenzi uMnu. Davies Ndumiso Sibanda utshele uGibbs Dube we Studio 7 ukuthi impahla yomqhatshi ebanjwa yisithunywa somthethwandaba yenza ukuthi izisebenzi zehluleke ukuqhuba umsebenzi nxa isithengisiwe.
