Inhlupho zebhanga elikhulu lelizwe iReserve Bank of Zimbabwe (RBZ) ziqhubekela phambili phezu kokuba isithunywa somthethwandaba kunsukwana ezisanda kwedlula sibambe imota ezingamatshumi amahlanu lambili eze RBZ ukwenzela ukubhadala isikwelede seFarmtech Spares and Implements.
UMnu. Davison Kanokanga, igqwetha le Farmtech lithi isithunywa somthethwandaba sibambe lama tanka amathathu epethulo aleli bhanga.
U Kanokanga uphinde wathi kuyenzakala ukuthi kungabanjwa eyinye njalo impahla ukwenzela ukubhadala isikwelede sezigidi ezimbili zamadola eMelika (US$2 million).
UMnu. Michael Bathandi Mpofu ingcwethi ecubungula ezenotho uthi kuyayangisa ukuthi ibhanga leli lanika abalimi amathalakitha elingazange liwabhadalele.
Kusenjalo, uMnu. Brilliant Mhlanga ingcwethi ecubungula ezombusazwe uthi ukwethulwa komthetho weReserve Bank of Zimbabwe Amendment Bill kutsho ukuthi kungenza abantu bemazweni bathakazelele ukuya vula amabhizimusi eZimbabwe.
