amalinks wokungena

Breaking News

Isithunywa Somthethwandaba Sibamba Impahla YeRBZ Yokubhadala Isikwelede seFarmtec


Isithunywa somthethwandaba we High Court besikhangelelwe ukuthi sithathe eyinye impahla zeReserve Bank of Zimbabwe ngolweSihlanu ukwenzela ukuvala isikwelede sezigidi ezedlula kancane ezimbili zamadollar eMelika-US$2.1 million, okumele sibhadalwe inkampani yeFarmtech Spares and Implements eyayithenga amathalakitha iqatshwe libhanga leli kuhlelo lwe Farm Mechanization and Agricultural Support Enhancement Facility.

UMnumzana Davison Kanokanga, iqgwetha elimele inkampani le, uthi kuqaliswe ngolweSine ukudinga impahla zokuthengisa ezeRBZ njalo ulethemba lokuthi kuzathathwa ezizenelisa ukubhadala isikwelede lesi.

Ibhanga leli licele inkampani yeFarmtec ukuthi ilithengele amathilakitha alikhulu lamatshumi amahlanu kodwa-ke inkampani le yenelisa ukulipha angamatshumi ayisithupha.

Kwakuvunyelenwe ukuthi iRBZ izabhadalela amathilakitha la elawathola kuFarmtech kuthi-ke angamatshumi ayisitshiyagalolunye athengwe njalo nxa sokubhadelwe yonke imali yalawo azuzakala kuqala.

Inkampani yeFarmtec icine imangalela ibhanga leli elithwele nzima ngokwehluleka ukubhadala izikwelede.

‚Äč
XS
SM
MD
LG